Te akaoro ra a Bob no tetai 100 kiromita i te ora (60 mph) i tetai rā kiona anu toketoke e te matangi i Alberta, Kanata, kite ua ake aia kua aruru te uira i te tua kaui o tona van. I te akamata anga kare a Bob i kite eaa tei tupu, e kua akaoro ua atu aia e rima kiromita (3 mi) ki tona kainga.

 I roto i tana reta ki te putuputuanga i te Are Uipaanga Patireia o te Au Kite o Iehova, kua akamārama a Bob i tei tupu kiaia. “Tapu mai e rima mapu tane i to ratou motoka e kua taviri mai i to ratou maramarama ki raro,” i tata ai aia. “Akakite mai ratou e kua puta toku uira. Kua tapu maua, e kua karanga mai ratou ka taui ratou i te reira. Kare au i kite me e uira tetai e me e apinga taui uira tetai. Iaku e noo ra i runga i toku pereoo i te pae mataara, kua totoro ratou i raro ake i te van e kua rauka mai te uira e te apinga taui uira, kua taui ratou i te reira. Anu toketoke te reva e kua pupui te matangi i te kiona. E kakau manea to ratou inara kua taui ratou i te uira e kua aere atura au. Kare roa e rauka iaku i te rave i teia ko au anake ua.

 “Kia akameitakiia te au mapu Au Kite e rima tei tauturu mai iaku. Te tutu aere ra ratou ki te ngutuare o te tangata. Taangaanga tikai teia au mapu i ta ratou e tutu aere ra. Tauturu tikai ratou iaku, e kua mareka tikai au i te reira. Koai tei kite e te vaira teia au angera rikiriki i runga i te mataara maata i te reira rā?”