E Patoi Ana Ainei te Au Kite o Iehova i Tetai au Teata, au Puka, me Kore au Imene?
Kare. Kare ta matou akaaerenga e akarakara ana i tetai au teata, au puka me kore au imene kia kite e eaa ta te au mema ka patoi. No teaa ra?
Te akamaroiroi maira te Pipiria i te au tangata tataki tai kia tereni i to ratou “ngakau” kia kite i te meitaki e te kino.—Ebera 5:14.
Kua akanoo mai te au Tuatua Tapu i te au kaveinga tau kia rauka i tetai Kerititiano i te iki i te tamataoraanga. a I roto i te au tuanga ravarai o te oraanga, to matou akakoroanga, “kia kitea ia [matou] te mea mareka na te Atu.”—Ephesia 5:10.
Te apii maira te Pipiria e tei te au upoko o te ngutuare te tikaanga kia kore e akatika i tetai tu tamataoraanga i rotopu i te au mema o to ratou ngutuare. (1 Korinetia 11:3; Ephesia 6:1-4) Inara i vao ake i te ngutuare, kare e tangata i akamanaia kia patoi i tetai au teata, au imene, me kore au tangata imene e kare e tau ana no te au mema o te putuputuanga.—Galatia 6:5.
a Ei akaraanga, te patoi ra te Pipiria i tetai ua atu mea te turuturu ra i te angaanga purepure, te ainga tau kore, me kore te tā ua.—Deuteronomi 18:10-13; Ephesia 5:3; Kolosa 3:8.
Ka Reka Katoa Koe i Teia
TEATA TORŌIA
Kanga Vitio: Re ra Ainei Koe?
Ka tupu te mataora me kanga vitio inara ka tupu katoa te kino. Akapeea koe me kopae i te au ereere e kia autu katoa?
APIIANGA PIPIRIA
Tamata i ta Matou Apii Pipiria
Āriki i tetai uriurianga apii Pipiria naau anake kare e tutaki ma te puapii.