E Rave Ana te Au Kite o Iehova i te Angaanga Mitinari?
Ae. Noatu eaa te ngai e noo ana matou, e tauta ana matou te Au Kite o Iehova i te akatupu i te tu o te au mitinari, na te akakite ua anga i to matou irinakianga ki te au tangata ta matou e aravei ana.—Mataio 28:19, 20.
Tetai katoa, e atoro ana me kore e neke ana tetai Au Kite ki tetai au ngai i roto i to ratou enua e maata te tangata kare i akarongo ake i te tuatua meitaki o te Pipiria. E neke ana tetai Au Kite ki tetai au enua ke kia akamaata atu i ta ratou angaanga orometua. Te mataora nei ratou i te akatupu i te totou a Iesu: “Ei kite oki kotou noku . . . e tae ua atu ki te openga o te enua ra.”—Angaanga 1:8.
I te 1943, kua akanoo matou i tetai apii ei tereni meitaki i tetai o to matou au mitinari. Mei te reira tuatau mai, tere atu i te 8,000 Au Kite tei aere ki teia apii, tei kiteaia e ko te Apii Pipiria Punanga Tiaki o Gileada.
Ka Reka Katoa Koe i Teia
TAANGAANGAIA TAAU MONI TAUTURU
Te au Mitinari “ki te Openga o te Enua Ra”
E 3,000 tuma mitinari tutu aere i te ao katoa. Akapeea ratou te akonoia anga?
AU UIANGA A TE TANGATA
Eaa te Uriurianga Apii Pipiria Tei Orongaia e te Au Kite o Iehova?
Na roto i te uriurianga apii kare e tutaki tei orongaia e te Au Kite o Iehova, ka rauka ia koe i te taangaanga i tetai ua atu urianga o te Pipiria. E pati atu i toou ngutuare tangata me kore tetai au oa kia kapiti mai kia koe.
APIIANGA PIPIRIA
Tamata i ta Matou Apii Pipiria
Āriki i tetai uriurianga apii Pipiria naau anake kare e tutaki ma te puapii.