1. Kite akaou te matapo

Rongo akaou rai te turi,

Pua oki te metepara

Pupu te vai tae marie,

Rere aere te pirikoki,

Kare te tangata e mate,

Rekareka anga ïa noou,

Mou marie rai i te re.

2. Tuatua mai te murare,

Mapu akaou te pakari,

Kī te enua i tona mou

Mutu kore te meitaki,

Ka imene te tamariki,

Mataora ua e te au,

Ora akaou mai tei mate,

Mou marie rai i te re.

3. Tai rai kai kapiti anga

Te punua mamoe te ruko,

Tamaiti te arataki,

Ariu ratou ki tona reo.

Kare e roimata akaou,

Kore te mamae, te mataku,

Te Atua tei oronga mai,

Mou marie rai i te re.