Ka inangaro ainei koe i te kite maata atu no runga i taau apii Pipiria naau uaorai? E tamata i teia au ravenga tauturu kia puapingaia koe me apii i te Pipiria:

•  Akanoo i tetai ngai meitaki. E akara i tetai ngai mā e kia tau meitaki te marama ei tatau. Ka rauka ia koe te noo ki ko i tetai kaingakai me kore i tetai ngai i vao.

•  Akanoo i tetai ngai ko koe anake. Kua iki a Iesu i te pure i te “popongi” e “ki tetai ngai motutaa.” (Mare. 1:35) Penei e pati e te akakite ki toou ngutuare tangata e toou au oa i te rā no taau apii Pipiria e kia kore e tamanata ia koe.

•  Akamou meitaki i toou manako ki taau apii. E akakore i te au manamanata. Me taangaanga koe i taau tereponi me kore tablet, e tamarū i te au akakitekiteanga me kore e pata i te airplane mode, kia kore koe e tamanamanataia. Me ka inangaro koe i te rave i tetai angaanga ke atu, e tata i te reira ki raro kia kore e ngaropoina ia koe. Me ngatā ia koe i te tamou i taau apii e rave i tetai angaanga ke e te aere ki vao.