E ngatā ainei ia koe i te akamaara i taau i tamou mai? E tupu ana teia kia tatou katoatoa. Eaa te ka tauturu? E akamanako akaou i te au apiianga puapinga.

Ia koe e apii ra, e tāpu e te akamanako i taau i kite mai. Ko teia ta te apotetoro ko Paulo i akamaroiroi i te au taeake e te au tuaine kia rave me apii ratou i tana reta. Karanga aia: “E teianei, teia taua tuatua i karangaia,” koia oki, teia te apiianga puapinga. (Ebe. 8:1) Na teia ravenga, kua tauturu aia ia ratou kia mārama i te aiteanga o tana i tata e kia kite i te manako puapinga.

E akapou e tai ngauru miniti i te openga o taau apii no te akamaara i taau i tamou mai. Me kare e maara ia koe te au apiianga puapinga, e akara i te au tumu manako rikiriki me kore e tatau i te akamataanga o tetai parakarapa ei tauturu ia koe kia akamaara i te reira. Me kite mai koe i tetai manako ou, e tauta i te akamārama meitaki i te reira. Me akamanako akaou koe i te au apiianga puapinga, ka maara meitaki ia koe te reira. Ka kite katoa koe i te puapinga kia taangaanga i taau i apii i roto i toou oraanga.