Me tatau tatou i te Pipiria, ka kitea te au tuatua mou puapinga me rave tatou i tetai kimikimianga. Akapeea tatou e puapinga ai me rave i te reira?

Kimi oonu i te au tuatua akakite i roto i te Pipiria. Ei akaraanga, naai i tata i teia irava, kua tataia kiaai e inaea? Eaa te au mea tei tupu, to mua ana e tei aru mai?

Tamou i te au apiianga na te pau anga i teia au uianga: ‘Eaa te manako o te aronga taau e tatau ra? Eaa to ratou tu? Eaa au ka aru ei i to ratou tu meitaki e te kopae i te au tu kino?’

Akono i te au apiianga i roto i te angaanga orometua e i toou akono anga i te tangata. I reira koe e pakari ei. Karanga te Pipiria: “E ao to kotou, te aronga i kite i teianei au tuatua, kia akono kotou i te reira.”—Ioa. 13:17.

• Tauturu: Te tuanga o te uipaanga epetoma Au Mea Umere i Roto i te Pipiria, ka tauturu ia tatou kia akono i te au apiianga i roto i te Pipiria. Tei roto i teia tuanga te au uianga ka ui kia koe uaorai, te au tumu manako kia akamaara e te au apiianga mei te au tutu.