Ia tatou e apii ra i te Pipiria, penei ka ui tatou, ‘Eaa taku ka anoanoia kia kite?’ E akamaara, penei ka apii koe i tetai manako ou, inara kare te aiteanga e ko te reira ua ta tatou ka apii no runga ia Iehova. Akapeea tatou me akarongo ki ta Iehova e apii maira ia tatou?

E pure no te pakari. E pati i te tauturu a Iehova kia mārama koe eaa tana e inangaro maira ia koe kia kite i teianei. (Iako. 1:5) Auraka e irinaki ki toou uaorai kite.—Mase. 3:​5, 6.

E akangateitei i te mana ririnui o te Pipiria. “E mea ora oki te tuatua a te Atua.” (Ebe. 4:12) Ka tauturu te “tuatua” a te Atua ia tatou me tatau i te Pipiria, inara ka puapinga atu te reira me ariu tatou ki tana au apiianga.

E akameitaki ia Iehova no te au mea pouroa tana e apii nei ia tatou. Ko tana kai pae vaerua e au “kai memeitaki” ïa. (Isa. 25:6) Eiaa e kopae i te “au kai” taau kare e reka ana. No reira, kia āriki koe i te tauturu a te Atua kia meitaki atu e kia mataora taau apii Pipiria!