Kua tatau meitaki ainei koe i te au makatini Te Punanga Tiaki o teia mataiti? Akara, me ka kite koe i te pau i teia au uianga:

Akapeea tatou me akono i te au Kerititiano akatainuia?

Āriki tatou i to ratou akarongo; inara, kare tatou e akaepaepa maata ia ratou. Kopae tatou i “te akarekareka anga i te tangata.” (Iuda 16) Kare tatou e ui i te au uianga no to ratou manakonakoanga.​—w20.01, kapi 29.

Eaa tei papu e te kite maira a Iehova ia koe?

Kua kite a Iehova ia koe i mua ake ka anauia ai koe. E te rongo maira aia i taau pure. Kite aia i toou manako e toou ngakau, ma te mareka i taau e rave ra. (1 Para. 28:9; Mase. 27:11) Kua akavaitata aia kia koe.​—w20.02, kapi 12.

Eaa te au akaraanga no te taime tau no te tuatua e te muteki?

Mataora tatou i te tuatua no runga ia Iehova. Ka tuatua tatou me kite tatou i tetai e aere ra na te ara tarevake. Ka tuatua te aronga pakari me oronga i te ako tei anoanoia. Kare tatou e tuatua kia rauka (me kore kia oronga) i te au akakite anga i te au enua kua araiia ta tatou angaanga. Kare tatou e akakite i te au mea muna.​—w20.03, kapi 20-21.

Eaa te tuke o te tāpaki ia Ioela pene 2 ki to Apokalupo pene 9?

Karanga a Ioela 2:20-29 e ka akataka mamao ke te Atua i te tāpaki e kua taputou i te akaoki mai i tei takinoia e ratou. I muri mai, kua riringi te Atua i tona vaerua. Tupu teia te takore anga a Babulonia ia Iseraela, e i muri akera. Akataka a Apokalupo 9:1-11 i te aronga akatainuia mei te tāpaki i to tatou tuatau, ia ratou e akakite ra i te au karere akavaanga a te Atua ki teia akatereanga kino, e ka riri te aronga tei turu i teia akatereanga.​—w20.04, kapi 3-6.

Koai te ariki o apatokerau i teia tuatau?

Ko Rutia e te au enua tei turu iaia. Kua takinokino ratou i te iti tangata o te Atua, te arai anga i te angaanga tutu aere e te makitakita i te Au Kite. Te akarere nei te ariki o apatokerau ki te ariki o apatonga.​—w20.05, kapi 13.

Te au tu e iva ia Galatia 5:22, 23 ko te katoa anga ainei te reira o ‘te au ua o te vaerua’?

Kare. Tauturu te vaerua tapu ia tatou kia uua i tetai atu au ua memeitaki, mei te tuatua tika. (Ephe. 5:8, 9)​—w20.06, kapi 17.

Eaa te kino i te tuku i te karere e te tutu noou uaorai ki runga i te initaneti?

Penei ka manakoia taau i tuku e te akapaapaa ra koe ia koe uaorai, kare mei te mea e tu akaaka toou.​—w20.07, kapi 6-7.

Eaa ta te au orometua Kerititiano ka apii ei aronga karape i te tautai?

Ka angaanga ratou i te tuatau e te ngai e maata te ika. Tereniia ratou kia taangaanga i te apinga tautai meitaki. Angaanga ngakau toa ratou i te au reva taui ua. Pera katoa ta tatou angaanga tutu aere.​—w20.09, kapi 5.

Eaa tetai au mataara ka tauturu tatou i te aronga apii Pipiria kia oonu to ratou aroa ia Iehova?

Ka akamaroiroi tatou ia ratou kia tatau i te Pipiria i te au rā e kia akamanako oonu i ta ratou i tatau. E ka apii tatou ia ratou kia pure.​—w20.11, kapi 4.

Koai tei kapitiia mai i roto i teia tuatua: “E ope katoa i te akaoraia e te Mesia”?​—1 Kori. 15:22.

Kare te apotetoro ko Paulo e karanga ra e ka akatuia mai te au tangata ravarai. Te tuatua ra aia no te au Kerititiano tei akatainuia, te aronga tei “akatapuia i roto i te Mesia ra ia Iesu.” (1 Kori. 1:2; 15:18)​—w20.12, kapi 5-6.

Eaa ta te aronga akatainuia ka rave me ‘akatukeia ratou mei te kamo anga mata nei, kia tae ki te pu openga’?​—1 Kori. 15:51-53.

Ka piri ratou kia Karaiti i te tutara ma te sepeta auri ki rungao i te tangata. (Apo. 2:26, 27)​—w20.12, kapi 12-13.