irinakiia e ka tupu te kino ki tetai tangata no tana i rave i tona oraanga e i mua ana. Ka rauka i tetai tangata te turanga moksha—ka akamutu te akaanau akaouia—me rauka te manako tei akatakakeia mei te au mea o te oraanga.

irinakiia e e utunga te mamae no te ara e te timata anga. Riro te au tumatetenga ei akamaara anga no te “āriki ua i ta te Atua au akameitakianga e kia akara atu i te aronga te anoano ra i te tauturu,” i na Dr Sayyid Syeed e, te peretiteni o te Islamic Society of North America.

irinakiia e na tetai e akatupu ra i tona uaorai mamae. Karanga tetai pae ngati Iuda e e tuakaouanga tetai, e ka akameitakiia te aronga tei takinokinoia e tei mamae. Apiiia te apiianga anau akaouia e te peu kabbalah (purepure) a te ngati Iuda, kia rauka te tuatau no tetai tangata kia tataraara i tona tarevake.

irinakiia e ka kite putuputuia te mamae i roto i te oraanga, ka tupu te anau akaou anga e tae ua atu ki te taime me akamutu te au tu, te au manako ngakau, e te au anoano tau kore. Na roto i te tu pakari, te angaanga meitaki, e te ako meitaki, ka rauka i tetai tangata te turanga nirvana—kare e mamae.

irinakiia e kua tupu te mamae no te “tu puapinga kore e te tarevake o te tangata,” karanga ai A Dictionary of Comparative Religion. Āriki te akonoanga Confucian e ka rauka te mamae i te akameangitiia na roto i te oraanga meitaki, tei akatupu maataia e te “au mea vaerua. E ka āriki ua te tangata i te ka Tupu kia ratou.”

irinakiia e na te peu purepure e akatupu ana i te mamae. Irinakiia e ka akatupu te au vaine purepure i te manuia e te kino te ka akakoreia na roto i te au peu tukeke. No reira, na te au peu e te au vairakau a te taunga e takore i te angaanga a te au vaine purepure, me rokoia tetai e te maki.

irinakiia e na te ara a nga tangata mua i akatupu i te mamae, tei akatakaia e te puka Pipiria o Genese. Inara, kua akamaata atu te au akonoanga i te au manako keke ki teia apiianga. Ei akaraanga, karanga tetai pae Katorika e ka tau te mamae kia ‘orongaia ki te Atua’ ei pati anga kia akameitaki aia i te akonoanga e kia taangaanga aia i te mamae no te akaora i tetai ke.