Akaari Ua i te Aroa
Te Manamanata
Kare te tu papakitai e ngaro viviki. Ka pou te tuatau no te akakore i tetai virus, ka pou rai te tuatau no te akakore i te tu papakitai. Eaa taau ka rave no te akakore i te tu papakitai?
Kaveinga Pipiria
“E kakau na i te aroa, ko taua tatua apa kore ua ra ïa.”—KOLOSA 3:14.
Eaa te apiianga? Me raveia te au mea meitaki ki tetai ke, ka akakoukou te reira ia ratou. Te maata atu taau akaari ua i te aroa, ka kore aere toou tu papakitai. Te maata atu toou aroa ia ratou, ka ngaro toou tu makitakita.
Taau ka Rave
Akamanako i te au ravenga ka aroa koe i tetai pupu tangata taau i manako kino ana i mua ana. E rave i te au mea rikiriki. Tauta i te rave i teia:
Me akaari ua koe i te aroa, ka kore toou tu papakitai
Akaari i te au tu meitaki ki te reira pupu tangata na te akatuera anga i te ngutupa me kore te oronga anga i toou nooanga i runga i te bus.
E tuatua rikiriki kia ratou, noatu kare ratou i kite i toou reo.
E akakoromaki me rave ratou i te peu kare koe e mārama ana.
E tangi aroa atu ia ratou me akakite mai i to ratou manamanata.
Ka Reka Katoa Koe i Teia
TAUTURU I TE ITI TANGATA
Autuanga i te tu Papakitai na Roto i te Apiianga Pipiria
Irinaki te Au Kite o Iehova e aiteite ua te turanga o te tangata i mua i te aroaro o te Atua.
E ARA!
Aratakianga no te Pirianga ‘Au
Eaa te au tu te ka tauturu ia tatou kia akatupu i te ‘au ki tetai ke?
