Akamaata Atu i Toou au Oa
Te Manamanata
Me akatakake tatou ia tatou uaorai mei te tangata kare tatou e reka ana, ka kino atu to tatou tu papakitai. Me akaoaoa tatou i te tangata mei ia tatou rai, ka manako tatou e no tatou ua te manako, te manako ngakau, e te ravenga meitaki.
Kaveinga Pipiria
“Kia maora katoa” to kotou ngakau.—2 KORINETIA 6:13.
Eaa te apii anga? To tatou “ngakau,” ko te manako ngakau e te au inangaro te reira. Me inangaro tatou i te tangata aiteitei kia tatou, ka topiri to tatou ngakau. Ei kopae i te reira manamanata, kia puareinga ua tatou i te akaoaoa i te tangata tukeke.
Meitaki te Akamaata i te au Oa
Me matau tatou i tetai ke, ka mārama tatou i ta ratou e rave ra. Ia tatou e akavaitata atura, ka akakoukou tatou ia ratou. E puapinga ratou kia tatou, e ka tangi aroa atu tatou ia ratou.
Akamanako ana i te akaraanga o Nazaré. Kua akaari aia i te tu papakitai ki te aronga tuitarere. Akamārama aia tei tauturu iaia: “Kua akapou au i te tuatau te angaanga kapiti kia ratou. Kua aravei au i te au tu tangata kare i aite ki ta te tangata e karanga ra. Me akaoaoa koe i te tangata ma te au peu tukeke, ka akaperepere koe ia ratou kare e akavaavaa ia ratou.”
Taau ka Rave
E kimi i te tuatau no te tuatua atu ki te tangata o te reira enua, katiri, me kore peu ke. Penei e
-
Pati kia akakite mai ia ratou uaorai.
-
Pati kia kaikai kapiti mai kia koe.
-
Akarongo i to ratou tua, kia kitea tei puapinga kia ratou.
Me mārama koe i to ratou tua, ka kite koe i to ratou tu, penei ka reka koe e ka akono meitaki ia ratou.