Kite ainei te aronga taieni akapeea te ao rangi e pini ua ake te akamata anga? Kare. Karanga tetai pae e ka rauka i te aronga taieni tei apii i te akamata anga o te ao rangi e pini ua ake i te akamārama i te reira. Inara, te pau nei te professor o te ngai apii etu o te Dartmouth College, ko Marcelo Gleiser, e tangata irinaki kore i te Atua e: “Kare matou e kite i te akamārama i te akamata anga o te ao rangi e pini ua ake.”

Karanga tetai atikara o te makatini Science News no runga i te akamata anga o te ora e: “Penei e ngata i te kite akapeea tikai te au mea ora te akamata anga i te Enua nei: Maata anga o te au papaanga eaa tei tupu i te akamata anga o te Enua, kua ngaro te reira.” Te akakite maira teia au akakiteanga e kare te aronga taieni i pau ake i te uianga, Akapeea te ao rangi e pini ua ake e te au mea ora i te akamata anga?

Inara penei ka manako koe, ‘Me kua maaniia te enua, naai i maani i te reira?’ Penei kua ui katoa koe i teia au uianga: ‘Me te vaira Tei Anga ma te kite pakari, eaa aia i akatika ai i te tangata kia mamae? Eaa aia i akatika ai i te au tu akonoanga tukeke? Eaa aia i akatika ai i tona aronga tei akamori iaia kia rave i te au mea kino?’

Kare e rauka i te aronga taieni i te pau i teia au uianga. Kare mei te mea e kare te au pauanga e kitea. Te tika, e manganui tei kitea ta ratou pauanga meitaki i roto i te Pipiria.

Me ka inangaro koe kia kite i te tumu i karanga ai tetai aronga taieni tei apii i te Pipiria e kua irinaki ratou i Tei Anga, akara i te jw.org. Kimikimi i te “au manako no te akamataanga o te oraanga.”