KA KITEA TE TAUTURU ME TAITAIA
Oraanga Maru Kare e Taitaia
Te pakari i roto i te Pipiria ka tauturu te reira ia tatou kia kopae i te au manako taitaia. Kare e rauka ia tatou i te takore i te au taitaia. Ka rauka rai i Tei Anga ia tatou na roto ia Iesu Mesia. Kare e roa atu ana ka rave aia i te au mea manea tikai i te enua nei. Ei akaraanga:
AKAORA A IESU I TE MAKI.
“Apai maira ratou i te aronga maki katoa kiaia ra, ko tei mate i tera maki i tera maki, e te mamae . . . , kua akaora atura aia ia ratou.”—MATAIO 4:24.
TAUTURU A IESU I TE PAE O TE ARE E TE KAI.
“E patu ratou [te aronga ka tutara a Iesu] i te au are, e na ratou uaorai e noo; e na ratou e tanu i te au kainga vine, ka kai ei i te kai i reira. Kare ratou e patu, e na tetai ke e noo; kare ratou e tanu, e na tetai ke e kai.”—ISAIA 65:21, 22.
TA IESU TUTARA KA TUPU TE ‘AU E TE TINAMOU.
“I tona ra au rā e ruperupe ei te aronga tuatua-tika; e maata roa oki te au, e ope ua atu te marama. Ka riro aia ei ariki mei tetai tai e tae ua atu ki tetai tai, e mei te vai ra e tae ua atu ki te openga o te enua. . . . e ka mitimiti tona au enemi i te one-pueu.”—SALAMO 72:7-9.
KA TAKORE A IESU I TE KINO.
“Ka akaperepere aia i tei apikepike ra e tei putaua, e akaora oki aia i te au vaerua o te aronga ao ra. Ka akaora aia i to ratou vaerua i te takinga-kino e te rotoriri ra.”—SALAMO 72:13, 14.
KA TAKORE A IESU I TE MAMAE E TE MATE.
“E e kore rava te mate, e te aue, e te mii; e te mamae oki, e kore katoa ïa.”—APOKALUPO 21:4.
Ka Reka Katoa Koe i Teia
PAUANGA PIPIRIA
Eaa ta te Patireia o te Atua ka Akatupu?
Apii e eaa taau ka tapapa atu me tutara te kavamani o te Atua ki rungao i te enua.
