Eaa Tei Tupu ki te Akangateitei i te Ngutuare?
TE TUMU I PUAPINGA AI KIA AKANGATEITEI I TE NGUTUARE
Me akangateitei i tetai e tetai i roto i te ngutuare, ka akatupu te reira i te oraanga ’au ki te au tane, au vaine e te tamariki.
-
Karanga te puka The Seven Principles for Making Marriage Work, me akangateitei te tokorua i tetai e tetai, ka akaperepere raua ia raua “i roto i te au mea mamaata e te au mea rikiriki.”
-
Karanga te aronga kimikimi no te au tamariki tei akangateitei i tetai e tetai, ka marū ratou, ka piri vaitata ki to ratou nga metua e ka kore te maki manako e te mamae ngakau.
TAAU KA RAVE
Akanoo i tetai akakoroanga kia taokotai te ngutuare tangata. Mea mua, e akapapu e kua mārama te katoatoa i te aiteanga kia “akangateitei” i tetai e tetai. Te rua, e tata ki raro eaa taau ka rave e kare e rave. Te toru, e uriuri ki te katoatoa akapeea me akangateitei ia ratou.
E akanoo i te akaraanga. E akakino ana ainei koe i toou ngutuare tangata no to ratou tarevake, te aviri me kore te tamanata ia ratou e tuatua maira kia koe?
Tauturu: E akangateitei i toou tokorua e taau tamariki i te au taime ravarai.
E akangateitei i tetai noatu kare koe e āriki ana i tona manako. Me akakite koe i toou manako, auraka e tuatua “ko koe ua” me kore “kare rava koe e akarongo.” Ka akatupu te reira i te riri e te mamae ngakau ki toou ngutuare.
TA MATOU E RAVE NEI
E akamaroiroi ana te Au Kite o Iehova i te ngutuare tangata kia akangateitei i tetai e tetai i roto i te au atikara, au puka, au poroutia e te au vitio te ka rauka i te katoatoa kare e tutaki.
AU TOKORUA AKAIPOIPO: Ka tauturuia te au tane e te au vaine na roto i te atikara Tauturu no te Ngutuare Tangata kia . . .
-
akarongo meitaki
-
akakore i te akamoupuku
-
akamutu i te karo
(Kimikimi i runga i te jw.org “Tauturu no te Ngutuare Tangata”)
AU METUA: Ka tereni te au metua i ta ratou tamariki na roto i te atikara Tauturu no te Ngutuare Tangata kia . . .
-
akarongo ki to ratou metua
-
rave i ta ratou angaanga i te kainga
-
tuatua “me ka tika” e te “meitaki maata”
(Kimikimi i runga i te jw.org “Utuutu Tamariki” e te “Utuutu Mapu”)
Akara katoa i te appendix, “Questions Parents Ask,” i roto i te puka Questions Young People Ask—Answers That Work, Volume 1. (Kimikimi i runga i te jw.org “Questions Parents Ask”)
AU MAPU: Te tuanga no Te Mapu Ou e te Mapu Mamaata i runga i te jw.org, e au atikara, au vitio e te au worksheet tetai te ka tauturu i te au mapu kia . . .
-
angaanga kapiti ki to ratou metua, tungane e te au tuaine
-
tuatua marū ki to ratou metua no ta raua ture
-
irinakiia ratou e te metua
(Kimikimi i runga i te jw.org “Te Mapu Ou e te Mapu Mamaata”)
Me taangaanga i te website jw.org kare koe e tutaki. Kare koe e patiia kia riro mai ei mema e te oronga i te au akakiteanga no runga ia koe.
