Eaa Tei Tupu ki te Akangateitei ia Koe Uaorai?
TE TUMU I PUAPINGA AI KIA AKANGATEITEI IA KOE UAORAI
Te aronga tei akangateitei ia ratou uaorai, ka akakoromaki ratou i te au turanga ngatā o te oraanga e kare e tuku i te ’au.
-
Akaari maira te au kimikimianga no te aronga tei kore i akangateitei ia ratou, ka tupu te apiapi, taitaia, e kare ratou e kaikai meitaki. Ka inu maata ratou i te kava e te kai apinga akakona.
-
Te aronga tei akangateitei ia ratou, kare ratou e akaaite ia ratou uaorai ki tetai ke e ka akatupu te reira i te pirianga oa meitaki. Kareka te aronga tei kore i akangateitei ia ratou, ka akaapa ua ratou e ka takinoia to ratou au pirianga oa.
-
Me tupu te manamanata kia ratou uaorai, ka akakoromaki e ka tauta ua rai ratou i te akanoo i tetai akakoroanga. Inara, ko te aronga kare o ratou tu akangateitei, ka akariro ratou i te au manamanata rikiriki ei mea maata. Tei tupu, ka tuku ratou i te ’au.
TAAU KA RAVE
Iki i te au oa meitaki. E kimi i te au oa tei akaari i te tu akangateitei, tei inangaro kia meitaki toou turanga e te akamaroiroi ia koe.
Tauturu i tetai ke. Me takinga meitaki koe i tetai ke e te rave i te angaanga meitaki, ka mataora koe i te oronga. Noatu kare koe e akameitakiia mai.
Apii i taau tamariki kia akangateitei ia ratou uaorai. E tuku ia ratou kia akatikatika i to ratou manamanata, kia tau ki to ratou turanga. Ka tauturu teia i taau tamariki kia akakoromaki i te au turanga ngatā e te akatikatika i te reira. Me rave ratou i teia, ka akangateitei ratou ia ratou uaorai i teianei e me maata mai ratou.
TA MATOU E RAVE NEI
Ka tauturu te au uipaanga e te porokaramu apii Pipiria ma te Au Kite o Iehova i te tangata kia akameitaki i to ratou oraanga e kia akangateitei ia ratou uaorai.
TA MATOU AU UIPAANGA I TE AU EPETOMA
I ko i ta matou au uipaanga, ka akarongo matou ki te au akoanga Pipiria te ka apii ia matou kia akatupu i te tu akangateitei. Kare e ko’i moni e ka ārikiia te katoatoa. I ko i teia au uipaanga, ka apii koe . . .
-
i te tumu i puapinga ai koe ki te Atua
-
eaa te akakoroanga o te oraanga
-
akapeea me akatupu i te au pirianga oa tinamou
Ka aravei katoa koe i te au oa piri mou tei akono meitaki i tetai e tetai.—1 Korinetia 12:25, 26.
Kia kite maata atu i ta matou uipaanga, e kimikimi i te vitio poto i runga i te jw.org Eaa te Raveia Ana i ko i te Are Uipaanga Patireia?
TA MATOU POROKARAMU APII PIPIRIA
E pati ana matou i te tangata kia rave i tetai uriurianga apii Pipiria ma te taangaanga i te puka Oraanga Mataora e Tuatau Ua Atu! Tei roto i teia puka apii te au irava puapinga, te au akamārama anga taka meitaki, au uianga, au vitio akamaroiroi e te au tutu manea. Ka tauturu teia apii Pipiria i te tangata kia akangateitei ia ratou uaorai e te akameitaki i to ratou oraanga.
Kia kite akapeea koe e puapinga ai mei te apii i te Pipiria ma te Au Kite o Iehova, e kimikimi i te vitio poto i runga i te jw.org Eaa te Tumu ka Apii ei i te Pipiria?
Ka Reka Katoa Koe i Teia
NO RUNGA IA MATOU
Pati i Tetai Atoroanga
Uriuri i tetai uianga Pipiria, e e akara kia kite maata atu i te Au Kite o Iehova.
NO RUNGA IA MATOU
Aere ki Tetai Uipaanga
Akara kia kite i ta matou au uipaanga. Akara i tetai uipaanga i toou ngai.
