Te Tapipiri a te Moko
E Mea Maaniia Ainei?
Te Tapipiri a te Moko
▪ Kua va ua te au taineti i te tu karape o te moko i te aere na runga i te au ngai mania tikai—i te orooro na runga i te tauu mania—ma te kore e topa mai ki raro! E akapeea ana teia moko meangiti umere i te rave anga i te reira?
Te karanga ra te Pipiria no runga i te moko e ‘e mou ana nga rima nona.’ (Maseli 30:28) Te au vaevae o te moko te aiteia atura tikai ki te au rima, e te orooro viviki aere ra ma te tu umere, i te mou piri anga ki runga i te au ngai mania tikai. Ko te mangamanga vaevae tataki tai kua ki i te au pa pukupuku tei kapiia e tauatini ua atu mea vanavana mei te uruuru rai. Te mea vanavana tataki tai, i reira, e au anere ua atu o ratou au uruuru rikiriki poepoe. Na teia au uruuru rikiriki poepoe i oronga mai i te au kemikara meangiti rava atu ko te molecule tei tatuaia kia rauka te mana (tei tapaia e ko te mana van der Waals) tei rava meitaki i te mou i te kopapa o te moko—noatu e te oro ra aia takauri ki raro i runga i te io!
Te inangaro nei te aronga kimikimi kite i te maani i te au tapipiri mei to te moko rai, i runga i tona au vaevae, te ka pipiri ki runga i te au ngai mania meitaki. * Ko tetai atu au taangaanga anga, ka tau teia no te “au angaanga tukeke o te tua paruru maki,” i akakite ei te makatini Science News, “mei te au apinga tapeka maki te ka pipiri noatu me mau ki te au apinga tapipiri no te tuianga o tetai maki vai.”
I muri ake i teia uriuri anga poto, eaa toou manako? E mea tupu ua mai ainei te tapipiri a te moko? Me e mea maaniia?
[Tataanga Rikiriki i Raro]
^ para. 5 Te akarakara katoa ra te au taineti i te porotini e taangaangaia ra e te au kuku tai, te oronga ra ki teia au mea angaia i raro i te tai te tu karape kia pipiri ki runga i te au ngai mau.
[Tutu i te kapi 10]
Ko a raro ake i te kopapa o te moko “tokay”
[Tutu i te kapi 10]
Te uruuru rikiriki poepoe i runga i te vaevae o te moko
[Au Akameitakianga no te Tutu i te kapi 10]
Gecko: Breck P. Kent; close-up: © Susumu Nishinaga/Photo Researchers, Inc.