Tauturu i Roto i te Tuatau Mii

▪ E 12 rai ona mataiti kua mate te papa o tetai vaine. No te au mataiti e manganui i muri mai, kua tupu te tu taitaia e te maki manako kiaia. I roto i tetai reta ki te opati manga o te Au Kite o Iehova i Kanata, kua akamarama mai aia e:

“Kua kite au i te tu pumaana i toku tatauanga i te poroutia Me Mate Tetai Taau e Akaperepere Ra e kua tauturu mai te reira iaku i roto i toku tu mii. Te aue e te mii nei rai au me akamanako au i toku papa. Inara i te tatauanga, te manako oonu anga, te pure anga, e te aue anga iaku e tatau ra i te poroutia e te au irava, kare au e mamae maata akaou ana, e te kite nei au i te pumaana i roto i te au taputou a te Atua.

“Te akariro nei au i te au tataanga e te au irava i roto i te au kapi o teia poroutia e mea akaperepere naku, no te mea kua tauturu mai te reira i te akapumaana i toku mamae ngakau. Meitaki takiri akaou au. Te irinaki nei au e ko teia poroutia te arataki anga meitaki rava atu i roto i te tu mii.”

Kua mate ainei tetai tei akaperepereia e koe? Te mii ra rai ainei koe? Te anoano ra ainei koe i te tauturu i toou tu mii? Eaa te manakonakoanga no tei mate ta te Pipiria e oronga maira? Penei ka akapumaanaia koe me kore ka akapumaanaia tetai tangata taau i kite na te tatauanga i te poroutia Me Mate Tetai Taau e Akaperepere Ra e 32 kapi. Kia pati i tetai kopi, e akaki ua i teia kuponi e e mere atu ki te ngai nooanga e orongaia maira me kore ki tetai ngai nooanga tau tei papaia i te kapi 5 o teia makatini.

□ Ma te kore e tutaki, ka inangaro au i tetai kopi o te poroutia e akaariia maira i konei.

□ Tata mai kiaku no runga i tetai apii Pipiria oronga ua i te kainga, ine.