Tei Runga Ainei Taau Tamaiti i te Internet?

I TETAI ua atu taime, e mirioni ua atu au mapu e taangaanga ra i te Internet, i te kainga, i te apii, i te kainga o tetai oa, me kore​—⁠i runga i tetai apinga apaipai aere e taangaanga ra i te Internet me kore e cell phone​—⁠vaitata rai e i te au ngai ravarai. Me e metua koe, ka aro atu koe i tetai manamanata tika tikai: Penei e tukatau ake taau tamariki ia koe i te taangaanga i te Internet, e penei ka rauka ia ratou i te uuna i ta ratou angaanga i runga i te Internet mei ia koe.

E tumu ainei teia no te manamanata? Ae. E puapinga kore ainei te turanga? Kare rava. E tika rai, penei i te akaraanga, no te taangaanga anga i te Internet, ko taau tamaiti tei kite atu, ko koe te tangata matakitaki ua. Noatu ra, ka rauka ia koe i te apii i te reira. E kare koe e anoanoia kia riro ei tangata kite karape i te au apinga erikitoroniki i te paruru i taau tamaiti.

Na teia au papaanga atikara e tauturu ia koe kia kite koe. Inara, te mea mua, ka akara ana tatou i tetai au kino te ka tupu mai me taangaanga taau tamaiti i te Internet.

[Tataanga i te kapi 3]

I Kanata, vaitata rai e e apa o te au mapu katoatoa e cell phone ta ratou ka rauka i te taangaanga i te Internet ma te reira