Taviri 3: Angaanga Kapiti
Taviri 3: Angaanga Kapiti
“E meitaki nga tangata toko rua i te takitai . . . Kia inga oki tetai ra, na te tokorua e rave e akatu ki runga.” —Koheleta 4:9, 10.
Te aiteanga o teia. Te akangateitei ra nga tokorua puapingaia i ta te Atua akanoonooanga no te upoko tei taikuia i roto i te Pipiria. (Ephesia 5:22-24) Inara, e akamanako te tane e te vaine i to raua akaipoipo na te tuatua anga e “na maua” e “ko maua” kare e “naku” e “ko au.” Me angaanga kapiti, kare te tane e te vaine e manako ia raua e e nga tangata kare i akaipoipo. E “kopapa okotai” raua—e tuatua Pipiria te akataka ra i te tu tinamou e te pirianga vaitata o te akaipoipo.—Genese 2:24.
Te mea puapinga. Me kare korua e angaanga kapiti, ka riro te au manamanata rikiriki ei mea mamaata e ka akaapa tetai i tetai e kare e akatikatika i te manamanata. Me angaanga kapiti ra korua, ka aite korua mei tetai paireti e te paireti tauturu aiteite ua te parani no te rere anga, kare i te nga paireti e rua i runga i nga pairere ka u atu ki runga i tetai e tetai. Me pekapeka korua, e kimi i te au ravenga tau, kare e kaimoumou i te taime e te maroiroi manako ngakau i te akaapa atu i tetai e tetai.
Taangaanga i teia. E akamanako i to korua angaanga kapiti anga na te pau anga i te au uianga e aru mai nei.
▪ Manako ra ainei au i te moni i rauka iaku e “naku pouroa” no te mea naku i angaanga i te reira?
▪ Te kopae ra ainei au te kopu tangata o toku tokorua, noatu e pirianga vaitata tona kia ratou?
▪ Kia akangaroi meitaki, ka aere ainei au ko au anake ua kare toku tokorua?
Rave i te ikianga tau. E akamanako e tai me kore e rua mataara kia angaanga kapiti korua ko toou tokorua.
Eaa ka kore ei e ui ki toou tokorua eaa tana ka inangaro?
[Tutu i te kapi 5]
Aiteanga o te angaanga kapiti e nga paireti e te paireti tauturu korua aiteite ua te parani no te rere anga