Taviri 6: Akakore i te Ara

“E tauturu atu tetai ki tetai, e akakore tetai i ta tetai ara.”​—Kolosa 3:13.

Te aiteanga o teia. Kua kite mai nga tokorua e puapinga ra i te au tarevake ta raua i rave ana i te tuatau i topa; kare ra raua e akamanako ana i te au tarevake tei tupu ana e te akariro anga i teia ei akaapa anga, mei teia rai “E reiti ua ana koe” me kore “Kare rava koe e akarongo ana.” Te irinaki ra te tane e te vaine e ko te ‘kakā te akakore ra i te ara.’​—⁠Maseli 19:⁠11.

Te mea puapinga. “Kua tika [i te Atua] i te akakore mai i te ara,” kare ra te au tangata e akapera ana. (Salamo 86:⁠5) Me kare te au tarevake takere e akatikatikaia, ka maata atu te akaapa anga e kare e rauka i te akakore atu i te ara. Penei kare te nga tokorua e akakite i to raua manako ki tetai e tetai​—⁠e kare tetai e kea mai i to tetai manako. Kua piritia raua ki roto i tetai akaipoipo inangaro kore.

Taangaanga i teia. Akara i te au tutu taito o to korua akaipoipo me kore te tutu o te tuatau akainangaro anga. Tauta i te akatupu akaou i te inangaro taau i kite mai i mua ake ka tupu ei te au manamanata e te akaparuparu anga i toou manako no runga i tetai e tetai. E akamanako i te au tu tei akavaitata atu ia koe ki toou tokorua.

▪ Eaa te au tu taau e reka tikai ra no runga i toou tokorua i teianei?

▪ E akamanako i te au tupuanga meitaki te ka akakeu i taau tamariki no toou tu i te akakore i te ara.

Rave i te ikianga tau. E akamanako e tai me kore e rua mataara kia tauta koe kia kore e taiku mai i te au tarevake tei tupu takere ki roto i to korua manamanata i teianei.

Eaa ka kore ei e akameitaki atu i toou tokorua no te au tu taau e reka tikai ra no runga iaia?​—⁠Maseli 31:​28, 29.

E akamanako ana i tetai au mataara ka rauka ia koe i te akaari ki taau tamariki no runga i te akakore anga i te ara.

Eaa ka kore ei e uriuri ki taau tamariki no te akakore anga i te ara, e akapeea te tu akakore anga i te ara i te akameitaki anga i te au mema ngutuare?

[Tutu i te kapi 8]

Me akakore koe i te ara, kua akakoreia te kaiou. Kare koe e pati akaou i taua kaiou ra