“Inangaro Au Tetai Tuatua Akapumaana Mei ia Koe”

● Kua tae mai tetai reta ki te opati manga o te Au Kite o Iehova i Meiko no ko mai i tetai vaine e angaanga ra i roto i tetai apii, te tauturu ra i te apii i te aronga pakipakitai e te aronga maki manako. Kua tata aia e: “I te ra 9 o Me, kua mate toku mami akaperepereia. Kare e rauka iaku i te akataka atu i toku manako mii. I nga marama i mua ake ka mate ei aia, kua rave au i tetai kimikimi anga no taku angaanga no runga i te tumu manako o te mate e akapeea au me akamanako meitaki atu no runga i te reira. Kua manako mai au e ka riro te reira i te tauturu katoa iaku, inara kare i rauka ana.”

I tetai tuatau e mii ra aia, kua pure aia ki te Atua, i te tuatua anga e, “Inangaro au tetai tuatua akapumaana mei ia koe.” “I taua po rai,” i karanga ai aia, “kua tatau au i te poroutia Me Mate Tetai Taau e Akaperepere Ra. Kua manako mai au e kua tataia te reira noku. Te akaari maira te reira e e meitaki ua i te aue. I roto i te tuanga ‘Akapeea e Raukaʼi Iaku i te Noo ma Toku Mamae Ngakau?’ te akakite ra te reira e: ‘Auraka e manako meangiti ua i te puapinga no te pure. . . . Ka akatupu ta te Atua ra tauturu i oronga mai i tetai tuke anga. . . . E tika, kare e tauturu tu-Atua e akakore takiri i te mamae, inara ka rauka i te reira te akariro kia ngoie mai no te apai anga. Kare te aite anga o te reira e kare koe e aue akaou me kare ka akangaropoina ua koe i taau i akaperepere ra. Inara ka rauka kia maroiroi mai koe.’ Kua tauturu mai teia au tuatua.”

Me kua mate tetai taau i akaperepere e te inangaro ra i tetai tuatua akapumaana, penei ka akapumaanaia koe me kore tetai tangata taau i kite na te tatauanga i te poroutia Me Mate Tetai Taau e Akaperepere Ra e 32 kapi.

Kia pati i tetai kopi, e akaki ua i teia kuponi e e mere atu ki te ngai nooanga e orongaia maira me kore ki tetai ngai nooanga tau tei papaia i te kapi 5 o teia makatini.

□ Ma te kore e tutaki, ka inangaro au i tetai kopi o te poroutia e akaariia maira i konei.

□ Tata mai kiaku no runga i tetai apii Pipiria oronga ua i te kainga, ine.