Pakiri Mango
E Mea Maaniia Ainei?
Pakiri Mango
● Me akaraia atu, e mania ua te pakiri o te mango. Me amiri matakite ra koe i te reira, ka kite mai koe e mei te pepa taratara tikai te tu o te pakiri mango me maoro koe i to rima mei raro mai i tona iku ki runga i tona upoko. *
Akamanako ana: E tauturu ana te au unai vaarua rikiriki o teia nga tu e rua i te mango. Te mea mua, e akatae ana te reira i te vai, kia rauka i te mango i te kau ma te arairai kore. Te rua, e pana mai ana te au unai ki runga me kau te mango, kia kore te au manumanu e noo ki roto i reira.
Tukeke te au apinga i runga i te pakiri mango te ka rauka i te taangaangaia. Ei akatauanga, kua rauka takere i te aronga taineti i te maani i tetai kakau pai tai mei te tu rai o te pakiri mango te ka akaviviki ake i te tangata kau. Te irinaki ra ratou e ka rauka i taua ravenga ra i te maani i tetai motoka e te poti kia tere viviki.
Te inangaro katoa ra te aronga kimikimi i te aru i te au tu meitaki o te pakiri mango i te maani anga i tetai peni paruru anga i te au poti mei te remuremu kia tau ki te ao rangi, i to te peni anga i te au peni poitini ki runga i te poti. Ko tetai au apinga te ka taangaangaia te kapiti maira i te au apinga rapakauanga e te au apinga te ka akaiti mai i te kino no te au tu maki i roto i te are maki.
Eaa toou manako? E mea tupu ua mai ainei te pakiri mango—ma tona au apinga tau ua te ririnui e te meitaki? Me kore, e mea maaniia ainei?
[Tataanga Rikiriki i Raro]
^ para. 3 Kare e kiteaia atu te tu taratara o te pakiri me maoro koe i to rima mei runga mai i tona upoko ki raro i tona iku.
[Tutu i te kapi 16]
Tutu maatamaata no te unai o te mango
[Au Akameitakianga no te Tutu i te kapi 16]
Scales: © Eye of Science/Photo Researchers, Inc.; shark: © Image Source/age fotostock