E Mea Maaniia Ainei?

Te Vaa o te Ngotare

● Te rerue tere viviki tari tangata i Tiapani, ko te rerue tere viviki roa atu i teianei ao, e tere ana e 300 kiro mita i te ora. I tetai tua ra, no teia manu meangiti ua​—ko te ngotare i puapingaia ai te reira. No teaa ra?

Akamanako ana: I te kimi anga i tetai kai reka, e pou ana te ngotare ki roto i te vai kare e akakeukeu maata ana i te vai. Kua umere tikai a Eiji Nakatsu, e tangata initinia tei akaaere i te akaoro anga o te rerue tere viviki tari tangata no te tamatamata anga. Kua manako mai aia e akapeea te ngotare i te taui viviki anga i te pou anga mei te mareva ki roto i te vai. Te rauka anga te pauanga ko te taviriia no te pauanga i te manamanata no runga i te rerue tere viviki tari tangata. “Me tere viviki tetai rerue na roto i te ana oiti,” i akamarama mai ei a Nakatsu, “na teia e akakeu ana i te turanga pakari o te reva te ka akatupu marie atu i te ririnui tei aite mei te ngaru mamaata rai. Ka taeria teia turanga pakari o te reva ki te ngai ka aere atu ki vao i te ana ma te tangi anga ririnui, i te akatupu anga i te reva akakeukeu te ka akatupu i te aruru anga maata e te akangaueue pakari anga, no reira te au tangata e noo ra e 400 mita [1,300 tapuae] te mamao i kopekope mai ei.”

Kua raveia tetai ikianga kia kopi i te vaa o te ngotare no te maani anga ia mua i te rerue tere viviki tari tangata. Eaa tei tupu mai? E 10 patene te viviki o te tere anga o te rerue tari tangata e tei raro ake i te 15 patene o te ririnui e akapouia ana. Pera katoa, kua topa mai ki raro ake i te 30 patene te reva ririnui ta te rerue e akatupu ra. No reira, kare e aruru maata ana me pati te rerue na roto i tetai ana.

Eaa toou manako? E mea tupu ua ainei te vaa o te ngotare? Me kore e mea maaniia ainei?

[Au Akameitakianga no te Tutu i te kapi 29]

Kingfisher diving: Woodfall/​Photoshot; bullet train: AP Photo/​Kyodo