Akapeea e Taeria ai e Au Toku au Akakoroanga?
Ui te au Mapu E
Akapeea e Taeria ai e Au Toku au Akakoroanga?
KO TEEA i teia au mea e aru mai nei taau ka inangaro?
● Kia maata atu te irinakianga
● Kia maata atu te au oa
● Kia maata atu te mataora
Kite koe, ka rauka ia koe teia au mea pouroa e toru! Akapeea? Na te akanoo anga e te itae anga i te au akakoroanga. Akamanako ana i teia au mea.
Ka maata atu toou irinakianga Me akanoo koe i te au akakoroanga rikiriki e me taeria te reira, ka rauka toou irinakianga i te rave i te au mea mamaata atu. Ka maata katoa atu toou irinakianga me aro atu i te au akaaoanga i te au ra—mei te taomianga a te au oa. Ka kite mai etai ke i te tu papu o toou irinakianga, e ka akangateitei ia koe no te reira. Penei kare tetai aronga e tamanamanata akaou mai ia koe. Mari ra ka mareka mai ratou ia koe.—Akaaite ia Mataio 5:14-16.
Kia maata atu te au oa E reka ana te tangata i te akapiri atu ki te aronga e akakoroanga to ratou—te aronga tei kite e eaa ta ratou ka inangaro, e tei inangaro puareinga ua ra i te angaanga no te reira. E me varenga mai te tangata kia koe no toou au akakoroanga, ka riro ua rai ratou ei aronga tauturu ia koe kia taeria taua au akakoroanga ra.—Koheleta 4:9, 10.
Kia maata atu te mataora E tika rai e: Kare koe e mataora me iu koe me kore me noo ua koe i te tiaki kia tupu tetai mea i roto i toou oraanga. Tetai tua, me akanoo koe i tetai au akakoroanga e me taeria ia koe te reira, ka kite rai koe i te mareka e kua tupu taau i akakoro. No reira rai te apotetoro ko Paulo, e Kerititiano i te anere mataiti mua i karanga ai e: “Kare au e oro ua ana ma te kore e akakoroanga.” (1 Korinetia 9:26, Contemporary English Version) E akamaara e, ko te maata atu o te akakoroanga, ko te maata roa atu ia o toou mareka e kua akatupuia taau i akakoro i te taeria anga te reira!
Kua papa koe no te akamata? Ina, e pakoti ua i te kapi e oti aatu ki te tua katau, i reira ka aru ei i te au takainga i akakiteia mai. *
[Tataanga Rikiriki i Raro]
^ para. 11 Kua akatakaia teia au tamanakoanga no te au akakoroanga te ka rauka ia koe i te akatupu i nga mea epetoma ua me kore i nga mea marama, inara ka tano katoa te au kaveinga no te au akakoroanga mamaata atu.
KIA AKAMANAKO
● Ka rauka ainei i te akamaata atu i te au akakoroanga okotai taime?—Philipi 1:10.
● Te akanoo anga ainei i te au akakoroanga e ko te parani anga ia i te au miniti ravarai o toou oraanga?—Philipi 4:5.
[Pia/Au Tutu i te kapi 17, 18]
Akapeea me itae taau au akakoroanga
AKATAKA Maseli 4:25, 26 1
“Auraka e mataku te akanoo i te au akakoroanga mamaata. Me kua itae tetai pae i te reira i mua atu, ka rauka katoa ia koe.”—Roben.
1. Akamanako i te au akakoroanga ka rauka ia koe. Kia mataora i te rave i teia takainga! Auraka e akamanako pakari; tata ua te au manako taau ka rauka. Akara me ka rauka ia koe e 10 me kore e 20 manako.
2. Akara akaou i toou au manako. Ko teea te mea mataora atu? Te au mea e maata atu te akaaoanga? Ko teea taau ka rekareka roa atu i te itae? E akamaara, ko te au akakoroanga meitaki roa atu ko te mea taau e inangaro rava atura.
3. Mea puapinga. E iki na mua i tetai au akakoroanga poto ka rauka ia koe i te itae i tetai nga ra. Aru mai e iki i tetai au akakoroanga tuatau roa (itae i te reira i roto i te au epetoma me kore au marama). Ta numero i taau au akakoroanga taau ka rauka i te itae.
Au akakoroanga
Pirianga oa Akatupu e tai oa i vao ake i toku pupu. Akapiri akaou ki toku au oa taito.
Oraanga kopapa Akamatutu i te kopapa e 90 miniti i te epetoma ravarai. E moe e varu ora i te po okotai.
Apii Akameitaki mai i toku turanga no te apii numero. Patoi pakari te taomianga kia kore e pikikaa i te tarere.
Turanga vaerua Tatau i te Pipiria e 15 miniti i te au ra. Akakite i toku irinaki ki te oa apii i teia epetoma.
Parani“Puapinga tikai te au akakoroanga, e ka anoano katoa koe tetai parani te itae i te reira. Me kare ra, ka vai ua rai te au akakoroanga e kare rava e itaeia.”—Derrick.
Au akakoroanga tataki tai taau i iki, e rave i te ka aru mai:
1. Tata i taau akakoroanga.
2. Akanoo i te ra. Me e akakoroanga tetai kare e ra i akanooia ka riro ei mea moemoea ua!
3. Parani i te au takainga e o maira.
4. Tapapa i te au arairaianga. Akamanako e akapeea koe me autu i te reira.
5. Aru i te koreromotu. Taputou kia koe uaorai e ka rave maroiroi koe i te itae i teia akakoroanga. Taina e e tata i te ra.
Apii i te reo Kuki Airani no toku tere ki te Kuki Airani Tiurai 1
Au takainga
1. Tiki i tetai puka akatakaanga reo.
2. Apii e tai ngauru tuatua ou i te au epetoma.
3. Akarongo ki te aronga tuatua reo Kuki Airani.
4. Pati i tetai tangata kia akatano i taku karama e te taikuanga.
Au arairaianga ka tupu
Kare e tangata e tuatua Kuki Airani i te pae mai
Akapeea au me tauturuia
Akarongo ki te au rekotianga reo Kuki Airani.
․․․․․ ․․․․․
Signature Date
E Rave! Ioane 13:17 3
“Mama ua te akangaropoina i te au akakoroanga, no reira e akamanako e e rave ua atu i te itae i te reira.”—Erika.
Akamata vave. Ui kia koe uaorai, ‘Eaa taku ka rave i teia ra i te akamata i taku akakoroanga?’ E tika, penei kare koe i akamanako ana i te au mea taau ka rave tikai, eiaa ra e tapu ia koe i te akamataanga i te reira. Mei ta te Pipiria e akakite maira, “me tiaki koe kia tau meitaki te matangi e te reva, kare rava koe e tanu i tetai apinga e kare rava e kokoti i tetai apinga.” (Koheleta 11:4, Today’s English Version) Kimi i tetai apinga ka rave koe i teia ra—noatu e meangiti ua—e rave i te reira.
Akara akaou i taau au akakoroanga i te au ra. Akamaara kia koe te tumu i puapinga tataki tai ei te reira. Akara i taau i rave na te tukuanga i te ✔ (me kore te ra tei akaotiia) i te pae i te takainga tataki tai, ia koe e akaoti ra i te reira.
Akatanotano. Noatu te meitaki o taau parani, ka anoanoia kia akatanotanoia te reira, ia koe e rave ra i te reira. Meitaki te reira. Eiaa e manamanata no te aru pakari anga i taau parani. Tauta e tae ua atu ki te openga o taau akakoroanga.
Akamanako i te ka tupu. Akamanako atu ia koe e itae ra i taau akakoroanga. Kia kite i taau ka akatupu. Aru mai, akara akaou i te au takainga tataki tai, e e akamanako i te reira. Taopenga, e taangaanga. Akara ia koe uaorai e akaoti ra i te rave i te au takainga tataki tai, e e akamanako mei teaa rai toou mataora te itae anga i taau akakoroanga. Teianei e rave i te reira!
[Tutu]
Mei te parani rai te au akakoroanga—maata te tautaanga e tupu ei te reira!
[Pia/Au Tutu i te kapi 17]
TA TOOU AU OA E TUATUA RA 4
“Mama ua i te manako maromaroa me kare aau apinga e akamanako atu e e tapapa atu. Me akanoo e me itae koe i te au akakoroanga, ka mataora koe.”—Reed.
“Auraka e akaapaapa ia koe uaorai me kare e rauka i te akatupu i taau i akakoro me kore i te tuatau i manako ei koe. Kare te reira tu manako e tauturu mai. E tauta ua rai!”—Cori.
“Tuatua ki te au tangata tei itae i ta ratou akakoroanga taau i akanoo. Ka akamaroiroi mai ratou ia koe e ka oronga mai te au manako tau. E akakite katoa i taau au akakoroanga ki toou pamiri kia rauka ia ratou i te turuturu mai ia koe.” —Julia.
[Tutu i te kapi 16]
(No runga i teia, akara i te puka)
Pakoti
Aatu