Kua Apii Katoa Aia i ta Ratou e Apii Ra

● Kua tata tetai metua vaine e 30 mataiti, te noo ra e tana tane e toru tamariki i Kentucky, U.S.A., e, “Kua puapingaia au e toku pamiri mei te au mea ravarai tei neneiia e te Au Kite o Iehova.” Kua akamarama aia e: “Taku puka reka rava atu na taku tamariki te puka My Book of Bible Stories,” te tuatua katoaanga e, “kua apii katoa au i ta ratou e apii ra.”

Kua akatutu maneaia mai teia puka e te uriuri ra i te au tupuanga Pipiria na roto i te papaanga tau tikai. Ei akaraanga: Tuanga 2 te kapiti maira i te au tua “Tutara Tetai Ariki Kino ia Aiphiti,” “Akaoraia te Pepe ko Mose,” “Tumu i Oro ei a Mose,” “Aravei a Mose e Aarona ia Pharao,” “10 Mate,” e te “Tikoti Anga i te Tai Muramura.”

Tuanga 6 o te puka, koia oki “Anauanga o Iesu e Tona Mate,” e au tua te akakite ra i to Iesu oraanga mei tona anauanga e tae ua atu ki tona mate. Kapiti mai “Anauia a Iesu i Roto i te Are Puakatoro” e te “Au Tangata Aratakiia e te Etu.” Te akaari maira te pae openga i te “au tangata pakari”​—e aronga akara etu tikai—​tei aere mai “ki roto i te are” i te atoro ia Iesu, kare i roto i te are puakatoro te ngai i anauia ai aia. “Kite atura ratou i taua tamaiti iti ra, e tona metua vaine ko Maria” i roto i te are. Kua akamatakiteia teia au tangata e te Atua kia kore e oki kia Heroda te kimi ra i te tamate ia Iesu. Eaa ta te reira e akakite maira kia tatou, e naai i tuku mai i te etu?​—Mataio 2:1, 11, 12.

Ka apii katoaia koe e taau au tamariki ia koe e tatau ra i te puka My Book of Bible Stories. E 116 tua i roto i te puka te akaari maira i te au tangata e te au tupuanga Pipiria. E rauka ai tetai kopi, e akaki e e mere atu i te kuponi ki te ngai nooanga tau tei tataia i te kapi 5 o teia makatini.

□ Ma te kore e tutaki, ka inangaro au i tetai kopi o te puka e akaariia maira i konei.

□ Tata mai kiaku no runga i tetai apii Pipiria oronga ua i te kainga, ine.