E Mea Maaniia Ainei?

Te ua a te Manu

● Kua kapikiia te ua a te manu e e “kou temeio” no te mea tei roto te au meitaki katoatoa no te punua manu. No teaa ra?

Akamanako ana: Noatu te akaraanga ketaketa, kareka ra i roto i te anga o te ua moa tei ki i te calcium, ka taeria te 8,000 puta merikiriki ua. Na reira me tomo te reva ou ki roto, e te reva kino ki vao—e mea puapinga teia kia rauka i te punua te akaea. Inara na te anga, e te au kau, e paruru kia kore te tiemu e takino i te punua. Te albumen—e apinga mei te pia maro rai, e maata ra tona vai—na te reira e tauturu i te paruru i te ua moa.

Ka inangaro te aronga kimikimi i te kopi i te tu o te ua moa kia rauka i te maani i te au apinga meitaki atu te turanga paruru, e tetai arai angiangi te ka paruru i te ua rakau mei te tiemu e te manumanu. Inara, “kare te kopi anga i te apinga natura, i te mea ngoie,” i tata ai a Marianne Botta Diener i roto i te makatini Vivai. Kare rai te reira e meitaki ana no te enua.

Eaa toou manako? E mea tupu ua mai ainei teia “kou temeio,” koia oki te ua a te manu? Me e mea maaniia ainei?

[Tutu i te kapi 16]

(No runga i teia, akara i te puka)

ROTO I TETAI UA

Anga

Renga

Chalaza (ei akamou i te renga)

Kau o vao

Kau o roto

Mata (ngai i akamata mai ei te punua)

Albumen angiangi

Albumen petetue

Ngai no te reva