Akaperepere Ratou i te Aroa o te Atua

● Kua apii mai a Iesu ia tatou kia akaperepere i te aroa o te Atua. Kua tuatua aia e: “I aroa mai te Atua i to te ao nei, kua tae rava ki te oronga anga mai i tana Tamaiti anau tai [ko Iesu], kia kore e mate te akarongo iaia, kia rauka ra te ora mutu kore.” (Ioane 3: 16) Na roto i te puka Akavaitata Atu kia Iehova, te akaketaketaia maira to te Atua aroa no tatou, e te manakonakoanga na roto i tana Tamaiti.

Kua tata tetai vaine i Florida, i Marike e: “Muri ake i te tatau anga i te pene 5, kua umere tikai au i to Iehova aroa, pakari, e tona mana ririnui. Iaku e akamanako ra i tana au mea i anga, kua ki maata roa atu toku ngakau i te aroa nona.” Kua akamarama mai tetai vaine i South Dakota, i Marike e: “Mei tetai 30 mataiti, ngata tikai iaku te akaari i toku aroa (me kore i te manako e te inangaroia maira au). Tauturu tikai teia puka iaku.”

Te puka Akavaitata Atu kia Iehova, e 320 kapi, te uriuri ra i to te Atua au tu maata, te mana, tuatua tau, pakari, e te aroa. Ka rauka ia koe te pati i tetai kopi na te akaki anga i teia kuponi e te tuku atu anga ki te ngai tau tei tataia i te kapi 5 o teia makatini.

□ Ma te kore e tutaki, ka inangaro au i tetai kopi o te puka e akaariia maira i konei.

□ Tata mai kiaku no runga i tetai apii Pipiria oronga ua i te kainga, ine.