“Kare Oki Tei Muatangana ra . . . e Akamanako Akaouia”

Kua akakite mai Tei Anga ia tatou i tana ka rave a te tuatau ki mua e vaitata maira. Akakite aia e:

“I na oki, te anga nei au i te rangi ou e te enua ou: kare oki tei muatangana ra e maaraia, kare e akamanako akaouia atu.”​—ISAIA 65:17.

Eaa ra ‘to tei muatangana ra te ka kore e akamanako akaouia’? Te akaari maira te katoaanga o te irava e, e tu tika kore, e maki, e mamae, e te au mea kino ke atu e akataitaia nei i te tangata. Akapeea taua au mate ra e kore ei? Tei roto te pauanga i te “rangi ou” e te “enua ou” tei totouia mai.

Ka akamaramaia mai taua au tuatua umere e to ratou aiteanga i roto i te akoanga na te katoatoa koia oki “Kare Oki Tei Muatangana ra . . . e Akamanako Akaouia.” Ka orongaia te akoanga i ko i te Uruoaanga Tapere “Paruru i Toou Ngakau!” a te Au Kite o Iehova, akamata i roto ia Me i Marike e oti takapini i teianei ao.

Te pati pumaanaia atu nei koe kia tae mai ki te uruoaanga vaitata mai kia koe. No te au akakitekiteanga, e aravei atu i te Au Kite o Iehova i toou ngai me kore tata ki te aronga nenei o teia makatini. Tei runga i te Web site www.pr418.com te au papaanga o te ngai o te uruoaanga i roto i te enua ko Autireria, Nu Tireni e te au Airani Patipika.