Te Tuatua Mou no te Tuatau ki Mua
I manako ana ainei koe e eaa te ka tupu a te tuatau ki mua? Akakite mai te Pipiria i te au mea memeitaki a te tuatau ki mua te ka tupu no te au tangata i te enua nei.
Akamārama mai a Iesu akapeea tatou e kite ei e “kua vaitata ïa te basileia o te Atua.” (Luka 21:31) Kua totou mai aia i te au mea te ka tupu, te au tamaki maata, te ngaruerue enua, te onge, e te maki mate—ta tatou e kite nei i teia tuatau.—Luka 21:10-17.
Akakite katoa mai te Pipiria i te tu tutara anga a te tangata i te “tuatau openga” na roto i ta ratou angaanga kino e rave ra. Ka tatau koe i teia au tu i roto ia 2 Timoteo 3:1-5. Me kite koe i teia au tu kino, ka āriki koe e kua tika rai ta te totou Pipiria e akakite ra.
Eaa te aiteanga o teia? Te vaitata maira te tuatau no te Patireia o te Atua kia taui e kia akameitaki mai i te oraanga i te enua nei. (Luka 21:36) I roto i te Pipiria, kua taputou mai te Atua i te au mea memeitaki no te enua e no te tangata. Teia tetai au akaraanga.
TUTARA ANGA MEITAKI
“E kua orongaia maira te mana, e te kakā, e te basileia nona [no Iesu], kia tavini atu te au tangata katoa, te pa enua, e te au reo, kiaia: tona mana, e mana mutu kore ïa, kare ïa e kore, e tona basileia, kare ïa e pou.”—DANIELA 7:14.
Te ka tupu: Ka mataora toou oraanga i raro ake i tetai kavamani meitaki tikai i teianei ao, tei akanoo te Atua i tana Tamaiti ei Ariki.
ORAANGA MEITAKI TIKAI
“Kare oki to reira e karanga e, Kua maki au.”—ISAIA 33:24.
Te ka tupu: Kare rava koe e maki akaou; ka ora ua atu koe.
AU TIKAI
“Akakore aia i te tamaki e tae rava akenei ki te openga enua.”—SALAMO 46:9.
Te ka tupu: Ka kore te tamaki e te mamae.
KA KI TE ENUA I TE TANGATA MEMEITAKI
“Kare ua te tangata kino ra . . . kareka te aronga maru ra, ka noo ïa i te enua.”—SALAMO 37:10, 11.
Te ka tupu: Kare e tangata kino, mari ra te aronga akarongo i te Atua.
KA RIRO TE ENUA EI PARATAITO
“E patu ratou i te au are, e na ratou uaorai e noo; e na ratou e tanu i te au kainga vine, ka kai ei i te kai i reira.”—ISAIA 65:21, 22.
Te ka tupu: Ka manea akaou te enua. Ka akatupu te Atua i ta tatou pure e kia tupu tona anoano i “te enua nei.”—Mataio 6:10.
Ka Reka Katoa Koe i Teia
PAUANGA PIPIRIA
Eaa ta te Patireia o te Atua ka Akatupu?
Apii e eaa taau ka tapapa atu me tutara te kavamani o te Atua ki rungao i te enua.
