Eaa taau ka karanga?

• Ae

• Kare

• Penei

Ta te Pipiria e karanga ra

“Kua kite oki au e tauturu mai a Iehova i te tuatua a te tangata akaaka, te tuatua-tau a te aronga ao.” (Salamo 140:12) Ka akatupu te Patireia o te Atua i te tu tika i te enua nei.

Eaa atu ta tatou ka apii mai mei te Pipiria?

• Te kite ra te Atua i te tu tika kore o teianei ao, e ka akatikatika i te reira.​—Koheleta 5:8.

• Na te tu tika o te Atua e akatupu i te au e te tinamou i te enua nei.​—Isaia 32:16-18.

Irinaki tetai pae kua akameitaki te Atua me kore kua taumaa i tetai tu tangata, te irinaki ra tetai pae te akono ra te Atua i te au tu tangata ravarai. Eaa toou manako?

Ta te Pipiria e karanga ra

“Kare te Atua e akono i te tu o te tangata: Ko te mataku ra iaia, e ko te rave i te tuatua-tika, i te pa enua ravarai, ko tei kiteia mai ïa e ia.” (Angaanga 10:34, 35) I ta te Atua akara anga, aiteite ua te tu tangata katoatoa.

Eaa atu ta tatou ka apii mai mei te Pipiria?

• E “evangelia mutu kore” ta te Pipiria no “te pa enua katoa, e te au kopu, e te au reo, e te au iti-tangata.”​—Apokalupo 14:6.