KARE te Atua i akakoro ana i te oraanga o teia tuatau, mei teia te tu. Kua akakoro aia i te enua kia ki i te tangata tei akangateitei i Tei Anga, kia puapinga mei tana aratakianga, e kia akaari i tona au tu aroa. Kua anoanoia ratou kia taokotai ma te mataora ki tetai e tetai, ia ratou e utuutu maira i to ratou ngutuare tangata, e apii ra i te au mea ou, e te akariro i te enua ei parataito.

• “Kua akakore aia i te tamaki e tae rava akenei ki te openga enua.”—Salamo 46:9.

• “Ko te tuatau e mate ei ia koe te aronga i mate ei to te ao ra.”—Apokalupo 11:18.

• “Kare oki to reira e karanga e, Kua maki au.”—Isaia 33:24.

• “E rekareka tei ikiia e au ra, i te angaanga a to ratou uaorai rima.”—Isaia 65:22.

Akapeea teia au totou me akatupuia? Kua iki te Atua i tana Tamaiti, ko Iesu, ei Ariki no tetai kavamani apa kore, te ka tutara mei te rangi ki rungao i te enua nei. Kapiki te Pipiria i te reira, ko te Patireia o te Atua. (Daniela 2:44) Karanga te Pipiria no Iesu: “Na te Atua e oronga mai i te terono . . . ei iaia te Au.”—Luka 1:32, 33.

Iaia i te enua nei, kua rave a Iesu i te au angaanga ririnui no te akaari, e ei Tutara, ka meitaki roa atu to tatou oraanga i to teia tuatau.

• Kua akaora aia i te au maki ravarai, te akaari anga e ka takore aia i te au tu maki o te tangata.—Mataio 9:35.

• Kua akamarino aia i te tai, te akaari anga akapeea aia me paruru i te tangata na te akatere anga i te reva.—Mareko 4:36-39.

• Kua angai aia i te tauatini ua atu tangata, te akaari anga e ka angai aia i te tangata ki te manga.—Mareko 6:41-44.

• Kua taui i te vai ei wina, te akapapu anga e ka tauturu aia i te tangata kia mataora te oraanga.—Ioane 2:7-11.

Akapeea e rauka ai ia koe teia oraanga, ta te Atua i akapapa no te aronga tei inangaro iaia? Te vaira tetai “ara” taau ka aaere na runga. Te akataka ra te Pipiria i te reira e e “ara, e tae atu ei ki te ora, e tokoia ua ake tei kite atu i te reira.”—Mataio 7:14.

Eaa te ara ki te ora? Karanga te Atua: “Ko au toou Atua ra ko Iehova, ko tei akakite ia koe i te mea e puapingaʼi koe na; ko tei arataki ia koe na te arataa e tau ei kia aere koe ra.” (Isaia 48:17) Na te aaere anga na runga i teia ara, ko te oraanga meitaki rava atu teia.

Karanga a Iesu: “Ko au te mataara, e te tuatua-mou e te ora.” (Ioane 14:6) Na roto i te irinaki anga i te tuatua mou ta Iesu i apii, e te aru anga i  tona akaraanga e rauka ai ia tatou i te akavaitata ki te Atua, e puapinga ai.

Akapeea e kitea ai e koe te ara ki te ora? E maata te au akonoanga, inara kua akamatakite mai a Iesu: “E te Atu, e te Atu, e ope katoatoa i te tae ki te basileia ra ki te ao; ko tei akono ra i te anoano o taku Metua i te ao ra.” (Mataio 7:21) Karanga katoa aia: “Ka kite kotou ia ratou i to ratou ua.” (Mataio 7:16) Ka tauturu te Pipiria ia koe kia kite i te tuke i rotopu i te akamorianga mou e te akamorianga pikikaa.—Ioane 17:17.

Akapeea koe me aaere na runga i te ara ki te ora? Ka ō mai te apiianga no runga i te Tumu o te ora: Koai aia? Koai tona ingoa? Eaa tona au tu? Eaa tana e rave nei? Eaa tana e inangaro maira ia tatou kia rave? *

Inangaro a Iehova i te tangata kia maata atu ta ratou ka rave, i te pae o te angaanga, te kaikai, te kanga, e te utuutu i te ngutuare tangata. Ka apii tatou i Tei Anga ia tatou e kia riro ei oa nona. Ka akaari tatou e te inangaro ra tatou iaia, na te rave anga i tona anoano. Karanga a Iesu: “Teia oki te ora mutu kore, kia kite ratou ia koe i te Atua mou ra.”—Ioane 17:3.

Kia akamareka i te Atua mou, ka anoanoia te au taui anga. Ka ngata rai te reira. Inara, e takainga manea teia. Ei tauturu ia koe kia kitea te au pauanga ki teia au uianga no runga i te Atua, ka oronga atu te Au Kite o Iehova i tetai apii Pipiria kare e tutaki, i te ora e te ngai tei tau kia koe. Ka rauka ia koe i te aravei atu ia ratou i runga i te www.pr418.com.