Mei te taime mai i angaia ai te tangata, karangaranga mai Tei Anga kia tatou na roto i te au angera e te au peroveta. Tata iora aia i tana karere e te au akameitakianga tei taputouia mai. Kapiti tatou ki teia au taputou a te Atua no te tuatau ki mua. No reira ka kitea ta te Atua taputou kiea?

Ki roto i te au Tuatua Tapu. (2 Timoteo 3:16) Akapeea te Atua i te akanauru anga i te au peroveta kia tata i tana karere? (2 Petero 1:21) Akauru te Atua ia ratou kia tata i tona manako, tata atura. I teia tuatau, akakite te pu o tetai pitiniti i tona manako ki te teketere kia tata, karanga rai tatou na te pu o te pitiniti te karere. Pera katoa kua taangaanga te Atua i te tangata kia tata i tana karere, koia te Tata o te au Tataanga Tapu.

E puapinga maata te karere a te Atua, inangaro aia i te tangata kia tatau e kia mārama i te reira. I teia tuatau te vaira tana “evangelia mutu kore” ki te “pa enua katoa, e te au kopu, e te au reo, e te au iti-tangata.” (Apokalupo 14:6) Mari ua ake te Atua, ka rauka ia tatou tana Tataanga Tapu katoa me kore tetai tuanga i roto i te 3,000 tuma reo, tei maata atu i tetai ua atu puka.