Akapeea me Aroa i to Tangata Tupu
E uanga tatou na te tangata mua ko Adamu. Noatu ka akaari tatou i te aroa e ka akangateitei i tetai e tetai i roto i te ngutuare, kua kore teia nga tu. Kare te Atua i inangaro i teia no tatou.
TA TE AU TUATUA TAPU E AKAKITE RA NO TE AROA
“E aroa ra koe i to tangata tupu mei toou aroa ia koe uaorai.”—LEVITIKU 19:18.
“E aroa atu i to kotou aronga enemi.”—MATAIO 5:44.
EAA TE AITEANGA KIA AROA I TE TANGATA
Akara eaa ta te Atua i akataka mai no te aroa i roto i tana Tuatua ia 1 Korinetia 13:4-7:
“E akakoromaki anga roa to te aroa, e te takinga-meitaki.”
Akamanako: Eaa toou manako me akakoromaki mai tetai e te maru kia koe kare e riri mai?
“Kare te aroa e vareae.”
Akamanako: Eaa toou manako me vareae tetai ia koe?
“Kare e kimi i te meitaki nona uaorai.”
Akamanako: Eaa toou manako me akangateitei tetai ia koe kare e māro mai?
“Kare e manako kino ia etai ke.”
Akamanako: Mataora ua te Atua i te akakore i te ara a tetai ke. “Kare aia e tamou i te akamura mai: kare oki e vaoo māro i tona riri e tuatau ua atu.” (Salamo 103:9) Mareka tatou me akakoreia mai ta tatou ara. No reira e akakore tatou i te ara a tetai ke.—Salamo 86:5.
“Kare e rekareka i te tuatua-tika kore.”
Akamanako: Me tupu te mamae kia tatou, kare tatou e reka ana me mataora tetai. No reira kare tatou e mataora me mamae tetai, noatu me takinoia mai tatou.
Kia akameitaki ia tatou e te Atua, ka aroa tatou i tetai na teia mataara. Tetai ravenga ka tauturu i te aronga e anoano ra i te tauturu.
Ka Reka Katoa Koe i Teia
E ARA!
Te Mataara no te Mataora—Aroa
Akaari anga i te aroa e tuanga puapinga te reira kia mataora te tangata.
