Pure i ta te Atua Akameitaki Anga
Kua oronga mai te Atua i te tikaanga manea ki te au tangata—kia karangaranga i to ratou manako kiaia na roto i te pure. Pure te peroveta ko Davida: “E tei akarongo i te pure ra e, ka tae te tangata ravarai kia koe na.” (Salamo 65:2) Akapeea tatou me pure kia akarongoia mai e kia akameitakiia e te Atua?
PURE MA TE AKAAKA E TE NGAKAU TAE
Ko taau pure ka riringi koe i toou ngakau ki mua i te Atua—ka akakite pu i toou manako ngakau. (Salamo 62:8) Akaperepere te Mana Katoatoa i te pure ngakau tae.
KAPIKI I TO TE ATUA INGOA
Noatu e maata to te Atua taoonga, e tai rai ona ingoa. “Ko au ko Iehova; ko toku ïa ingoa.” (Isaia 42:8) Ka kitea te ingoa Iehova e 7,000 taime i roto i te Tuatua Tapu. Kua taiku te au peroveta i to te Atua ingoa. Karanga a Aberahama: “Auraka taku Atu [ko Iehova] kia riri, kia karanga atu au” kiaia. (Genese 18:30) Me pure tatou e taiku i to te Atua ingoa, Iehova.
E PURE I ROTO I TOOU REO
Mārama ua te Atua i to tatou aerenga manako e te manako ngakau noatu eaa te reo. Akapapu mai Tana Tuatua kia tatou: “Kare te Atua e akono i te tu o te tangata: Ko te mataku ra iaia, e ko te rave i te tuatua-tika, i te pa enua ravarai, ko tei kiteia mai ïa e ia.”—Angaanga 10:34, 35.
Inara, kia akameitakiia te Atua, e maata ta tatou ka rave i te pae mai i te pure. I te atikara ka aru mai, ka akara tatou e eaa ta tatou ka rave.
Ka Reka Katoa Koe i Teia
UI TE AU MAPU E
Eaa ra Au ka Pure Ei?
E ravenga ainei te pure kia maru te ngakau, me e mea maata atu?
NO RUNGA IA MATOU
Aere ki Tetai Uipaanga
Akara kia kite i ta matou au uipaanga. Akara i tetai uipaanga i toou ngai.
