E Arataki Anga Papu Ainei Tetai ki te Oraanga Tinamou?
Mei tei uriuriia i mua akenei, kua kimi ana te tangata i te oraanga meitaki na te irinaki anga i teia au ravenga mei te peu taumaa, te apii teitei, te apinganui, e ei tangata meitaki. Te akono anga ra i teia, kua aite rai ki te aru anga i tetai mapu kua tarevake te ara. Ko te aiteanga ainei i reira e e kare atu e arataki anga papu ki te oraanga tinamou? Kare!
ARATAKI ANGA MEI TE TUMU MEITAKI RAVA
Me iki i tetai ikianga, ka pati tatou i te tauturu a tetai tangata pakari e te kite. Aiteite katoa, ka kitea e tatou te arataki anga tau no te oraanga tinamou mei te Tumu pakari e te kite maata. Te akoanga no ko mai Iaia kua orongaia mai kia tatou ei au puka tataanga tapu tei tataia no tetai 3,500 mataiti i topa akenei. Kapikiia teia au puka tataanga tapu e ko te Pipiria.
Eaa ra koe ka irinaki ei i te Pipiria? No te mea ko Tei Tata i te reira Koia anake Tei pakari maata e te kite i teianei ao katoa. Akatakaia ra Aia ko “te Rā Taito ra” e “mei tupua roa mai e tuatau ua atu.” (Daniela 7:9; Salamo 90:2) Koia “tei anga i te au rangi ra; koia te Atua, ko tei akaaite i te enua e nana i anga.” (Isaia 45:18) Akakite maira aia i tona ingoa, ko Iehova.—Salamo 83:18.
No te mea e no ko mai te Pipiria i Tei Anga i te tangata ravarai, kare te reira e akateitei i tetai enua tangata mei tetai. E meitaki tana akoanga e kua puapingaia te au tangata katoatoa. Ka rauka te reira i roto i te au reo tukeke kua tuʼa maataia i te ao katoa, i tetai ua atu puka. * Tera te aiteanga ka mārama ua te tangata i te reira e ka puapinga katoaia. Te turuturu ra teia au manako i ta te Pipiria i akakite:
“Kare te Atua e akono i te tu o te tangata. Ko te mataku ra iaia, e ko te rave i te tuatua-tika, i te pa enua ravarai, ko tei kiteia mai ïa e ia.”—ANGAANGA 10:34, 35.
Mei te au metua akaperepere ka oronga i te arataki anga ki ta raua tamariki, e Metua akaperepere te Atua ko Iehova tei oronga mai i te tauturu kia tatou na roto i tana Tuatua, te Pipiria. (2 Timoteo 3:16) Ka rauka ia koe te irinaki i tana Tuatua; no te mea nana i anga ia tatou e kua kite aia i te oraanga meitaki tikai no tatou.
Eaa taau ka rave kia rauka te oraanga tinamou? Akara i te atikara ka aru mai.
^ para. 6 No tetai akakiteanga no te urianga e te tuʼa anga o te Pipiria, i runga i te www.pr418.com aere ki te APIIANGA PIPIRIA > TUPUANGA TAITO & PIPIRIA.
^ para. 16 No tetai akakiteanga, akara i te pene 9 o te puka The Bible—God’s Word or Man’s? neneiia e te Au Kite o Iehova. Ka rauka i runga i te www.pr418.com. Aere ki te LIBRARY > BOOKS & BROCHURES.
Ka Reka Katoa Koe i Teia
TE PUNANGA TIAKI
Te Tuatua Mou no te Tuatau ki Mua
Akaketaketa i toou manakonakoanga no ta te Atua e akakite ra no te tuatau ki mua i te enua nei e te aronga ka noo ki reira.
TE PUNANGA TIAKI
Puapinga Ainei te au Kaveinga Pipiria i Teia Tuatau?
No te maata o te tauturu ka rauka i teia tuatau, eaa ra ka aruia ai tetai puka e 2,000 mataiti te taito?
TE PUNANGA TIAKI
Te Pipiria e Toou Manakonakoanga
Tauturu te Tuatua a te Atua ia tatou—te au manamanata e na roto nei tatou i teia tuatau kino. Akakite katoa te Pipiria i te au mea ka tupu a te tuatau ki mua.
