E 3,500 mataiti i topa, kua akakite te Atua ko Iehova ki te aronga tei akamori iaia eaa ta ratou ka rave kia rauka te oraanga tinamou: “Kua tuku au i te ora e te mate, i te meitaki e te kino, ki mua ia koe e tenana, ka rave i te ora, kia ora koe e toou katoa uanga.”—Deuteronomi 30:19.

Kia rauka te oraanga meitaki, kua anoanoia te iti tangata kia rave i te iki anga tau. Pera rai tatou i teia tuatau. Akamārama maira te Pipiria akapeea me iki i tetai oraanga tinamou: “Kia inangaro oki koe i to Atua ra ia Iehova, e kia akarongo koe i tona reo.”—Deuteronomi 30:20.

APII MEI TE PIPIRIA: Kia inangaro ia Iehova, na mua koe i te apii no runga iaia mei te Pipiria. Ia koe e apii ra, ka kite koe e e Atua aroa aia tei inangaro i te meitaki noou. Te pati maira aia ia koe kia pure kiaia ‘koia oki te tiaki mai ia koe.’ (1 Petero 5:7) Te taputou maira te Pipiria me tauta koe i te akavaitata kiaia, ‘e nana e akavaitata mai kia koe.’—Iakobo 4:8.

TAANGAANGA I TAAU E APII RA: Kia akarongo ki te Atua tera te aiteanga kia aru i tana arataki anga pakari i roto i te Pipiria. Ia koe e pera ra, “ei reira e meitaki ei toou aerenga, e ei reira koe e manuia roaʼi.”—Iosua 1:8.