Eaa ta te Pipiria e Akakite Ra?
Na te tangata ainei i akamata i te au akonoanga?
IRINAKI TETAI PAE na te tangata i akamata i te akonoanga; manako tetai pae te taangaanga ra te Atua i te au akonoanga kia akavaitata atu i te tangata kiaia. Eaa toou manako?
AKAKITE RA TE PIPIRIA E
Te vaira “te akono [anga] mou i te Atua e te kino kore i mua i te aroaro o te Atua, o to tatou Metua ra.” (Iakobo 1:27) No ko mai i te Atua te akonoanga mou e te mā.
EAA ATU TA TATOU KA APII MEI TE PIPIRIA
Kia akamareka i te Atua, ka anoanoia kia akatumuia tetai akonoanga ki runga i te tuatua mou o te Pipiria.—Ioane 4:23, 24.
E mea puapinga kore ua te au akonoanga tei akatumuia ki runga i te manako o te tangata.—Mareko 7:7, 8.
Ka anoanoia ainei kia piri atu ki tetai akonoanga?
KA KARANGA AINEI KOE?
Ae
Kare
Penei
AKAKITE RA TE PIPIRIA E
“E akono marie rai tatou tetai ki tetai, ka akamaroiroi atu ei kia maata te aroa, e i te angaanga memeitaki ra: Auraka e akaruke i to tatou akaputuputu anga.” (Ebera 10:24, 25) Inangaro te Atua i te aronga akamori iaia kia akaputuputu mai ei pupu akaaereia.
EAA ATU TA TATOU KA APII MEI TE PIPIRIA
Ka tau te aronga e akamori kapiti ra i te Atua kia taokotaiia ta ratou irinakianga.—1 Korinetia 1:10, 11.
Ka riro te au mema o te akonoanga ta te Atua e mareka ra ei taokotaianga taeake i te ao katoa.—1 Petero 2:17.