Kua vai ua rai te Pipiria. I teia rā, ka rauka tetai Puka Tapu naau. Me iki koe i tetai urianga meitaki o te au Tuatua Tapu, ka papu ia koe e te tatau ra koe i tetai urianga irinakiia o te au tataanga mua. * Inara eaa te tumu i vai ua ai te Pipiria noatu te tu pe ua, te patoianga pakari, e te tauianga o tana karere, noatu te au tua umere o tona tautaanga kia vai ua rai? Eaa te mea umere i teia puka?

E manganui te aronga apii Pipiria tei akatika ki te apotetoro ko Paulo, tei tata e: “Te au tuatua tapu katoa i tataia ra, e mea akauruia mai e te Atua.” (2 Timoteo 3:16) Kua irinaki ratou e kua ora mai te Pipiria no te mea e mea umere te Tuatua na te Atua e no te mea kua taporoporo te Atua i te reira e tae ua mai ki teia tuatau. I muri mai kua manako a Faizal tei taikuia i te akamataanga, i te kimi matatio i te reira na te apiianga i te Pipiria. Kua poitirere tikai aia i tana i kite mai. Kare i roa kua kite mai aia e maata te apiianga a Kerititome kare i roto i te Pipiria. Pera katoa, kua reka tikai aia i te akakoroanga a te Atua no te enua tei akakiteia i roto i Tana Tuatua.

“Te papu nei iaku e e apinga aroa taku Pipiria mei ko mai i te Atua,” i karanga ei aia. “Mei te mea, e na te Atua i anga i te ao katoa e pini ua ake, kare ainei e mana ririnui tona i te oronga mai i tetai puka e kia taporoporo i te reira na tatou? Na te manako ke anga, mei te mea te kotinga ra au i te mana ririnui o te Atua. Na te kotinga anga i te mana ririnui o Tei Mana Katoatoa​—koai oki au ka akapera ei?”​—Isaia 40:8.