Ka Puareinga ua Ainei Koe i te Akakoromaki Marie?
“E akakoromaki katoa oki kotou.”—IAKOBO 5:8.
1, 2. (a) Eaa tatou ka ui e: “Mei te aa te roa?” (e) Eaa ra te akaraanga o te au tavini tiratiratu i taito ka akamaroiroi ei ia tatou i teia tuatau?
“MEI te aa te roa?” Kua ui te nga peroveta akarongo mou ko Isaia e Habakuka i teia uianga. (Isaia 6:11; Habakuka 1:2) Te tataanga te Ariki ko Davida ia Salamo 13, e ā taime tona uianga i teia uianga. (Salamo 13:1, 2) E te koropiniia anga a Iesu Karaiti e te aronga kare e akarongo, kua ui aia: “Mei te aa te roa?” (Mataio 17:17) Penei ka ui katoa tatou i taua uianga ra i teia tuatau.
2 Eaa tatou ka ui e: “Mei te aa te roa?” Penei kua tupu tetai tika kore kia tatou. Me kore penei kua maki e kua pakarikari tatou. Penei kua taitaia tatou no te mea te noo nei tatou i te tuatau “kino maata.” (2 Timoteo 3:1) Me kore ra penei ka riro te tu kino o te tangata ei akakeu ia tatou kia roiroi e kia taitaia. Noatu teia tu, e mea akamaroiroi kia kite e kare a Iehova i akaapa ana i tona au tavini tiratiratu tei ui i teia uianga.
3. Eaa te ka tauturu ia tatou me rokoia e te turanga ngata?
3 Eaa te ka tauturu me rokoia tatou e tetai turanga ngata i te akakoromaki? Kua akauruia a Iakobo, te teina o Iesu kia akakite mai kia tatou: “E teianei e akakoromaki, e aku au taeake, e kia tae mai te Atu ra.” (Iakobo 5:7) No reira ka anoanoia tatou pouroa kia akakoromaki? Inara eaa ra te akakoromaki, e akapeea tatou me akaari i teia tu manea?
EAA TE AKAKOROMAKI?
4, 5. (a) Eaa te akakoromaki, e akapeea tatou me akakoromaki? (e) Akapeea a Iakobo te akamārama anga i te akakoromaki? (Akara i te tutu mua.)
4 Karanga te Pipiria e no ko mai te akakoromaki i te vaerua tapu o te Atua. Me kare te tauturu no ko mai i te Atua, ka ngata i te aronga apa ua kia akakoromaki i te au turanga ngata tikai. E apinga aroa te akakoromaki no ko mai i te Atua, e ka akapapu tatou i te aroa no Iehova e no tetai ke me akaari i te reira. Me kare tatou e akakoromaki, ka paruparu te aroa i rotopu ia tatou e tetai ke. (1 Korinetia 13:4; Galatia 5:22) Eaa te ō maira i te akakoromaki? Te kapiti maira te akakoromaki anga i te au turanga ngata ma te manako papu. (Kolosa 1:11; Iakobo 1:3, 4) Ka tauturu katoa te akakoromaki ia tatou kia vai tiratiratu kia Iehova noatu te manamanata. Ka tauturu te reira ia tatou kia kore e akaoko me mamae tatou. Karanga te Pipiria e ka anoanoia tatou kia āriki puareinga ua i te tiaki marie. E apiianga puapinga teia no roto ia Iakobo 5:7, 8. (E tatau.)
5 No teaa ra tatou ka puareinga ua ai i te tiaki ia Iehova kia akatupu i tana i akakoro? Kua akaaite a Iakobo i to tatou turanga ki tetai tangata tanutanu. Noatu e ka angaanga pakari te tangata tanutanu i te akatupu i tana kai, kare ra e rauka iaia i te akaaere i te reva e te akatupu viviki i te kai. Ka anoanoia aia kia tiaki marie no “te kai meitaki o te enua nei.” Mei te reira katoa, e maata te apinga kare e rauka ia tatou te akaaere ia tatou e tiaki ra kia tupu ta Iehova au taputou. (Mareko 13:32, 33; Angaanga 1:7) Mei te tangata tanutanu, ka anoanoia tatou kia tiaki marie.
6. Eaa ta tatou ka apii mei te akaraanga o te peroveta ko Mika?
6 Kua anoanoia te peroveta ko Mika kia akakoromaki i te au turanga ngata, mei ia tatou rai i teia tuatau. Kua noo aia i te tuatau e tutara ra te Ariki ko Ahaza. E ariki kino tikai a Ahaza. Tei tupu, kua maata te kino i te enua. Kino takiri te turanga o te iti tangata e te karanga ra te Pipiria “kua vave tikai to ratou rima kia rave i te kino.” (E tatau ia Mika 7:1-3.) Kua kite a Mika e kare e rauka iaia i te taui i tera turanga. Eaa tana ka rave? Akakite aia kia tatou: “E akara ra au ia Iehova, e tapapa au i te Atua o toku nei ora; e akarongo mai taku Atua iaku nei.” (Mika 7:7) Mei ia Mika rai, ka anoanoia tatou kia ‘tapapa marie.’
7. Eaa te tumu kare tatou e tiaki ua no Iehova kia akatupu i tana taputou?
7 Me e akarongo to tatou mei to Mika rai, ka puareinga ua tatou i te tiaki ia Iehova. Kare to tatou turanga e aite ki tetai mouauri i roto i te are tapekaanga te tiaki ra no te rā e tamateia ai aia. Kua māroia Kolosa 1:11, 12) Ia tatou e tiaki ra, ka matakite tatou auraka kia kopekope e kare a Iehova e akatupu viviki i te reira. Me pera tatou, kare aia e mareka mai.—Kolosa 3:12.
aia kia tiaki, e kare aia e tapapa i taua rā. E tuke takiri to tatou turanga! Ka puareinga ua tatou i te tiaki ia Iehova no te mea kua kite tatou i te taime tau tikai, ka akatupu aia i tana i taputou kia oronga mai i te ora mutukore no tatou! No reira, “kia maata atu te akakoromaki, e te maru anga kia roa, ma te rekareka.” (AU AKARANGA MEITAKI NO TE AKAKOROMAKI
8. Eaa ta tatou ka apii mei te au tane e te vaine akarongo mou i taito?
8 Eaa te ka tauturu ia tatou kia puareinga ua i te tiaki marie? Akamanako ana i te au tane e te vaine akarongo mou i taito tei tiaki marie ia Iehova kia akatupu i tana taputou. (Roma 15:4) Me akamanako i to ratou akaraanga, e mea meitaki kia akamaara mei teaa te roa to ratou tiaki anga, te tumu i puareinga ua ratou i te tiaki, e akapeea a Iehova te akameitakianga ia ratou no to ratou akakoromaki.
Tiaki a Aberahama no tetai tuatau roa kia anau roa tana nga mokopuna ko Esau e Iakoba (Akara i te parakarapa 9, 10)
9, 10 Mei teaa te roa te tiaki anga a Aberahama raua ko Sara ia Iehova?
9 Akamanako ana i te akaraanga o Aberahama e Sara. No te mea kua akaari raua “i te akarongo e te akakoromaki,” rauka ia raua “tei tuatuaia maira.” Akakite ra te Pipiria “e roa akera [to Aberahama] akakoromaki marie anga,” kua papau a Iehova kia akameitaki iaia e Ebera 6:12, 15) Eaa ra a Aberahama i anoanoia ai kia akakoromaki? No te mea ka pou tetai tuatau kia tupu te taputou. Ia Nisana 14 i te mataiti 1943 mua ake ia Karaiti, kua tikoti a Aberahama e Sara e to raua uanga tangata i te Kauvai Eupharati e kua tomo ki roto i te Enua Taputouia. Inara kua anoanoia a Aberahama kia tiaki e 25 mataiti kia anau tana tamaiti ko Isaaka e tetai 60 mataiti akaou kia anau tana nga mokopuna ko Esau e Iakoba.—Ebera 11:9.
te akariro iaia ei metua no tetai iti tangata maata. (10 Mei teaa te maata o te Enua Taputouia ta Aberahama i rauka? Karanga te Pipiria “Kare ra [a Iehova] i oronga ua atu i tetai pae kainga ipukarea nona i taua enua nei, e mei tona tapuae te maata: kua tuatua maira aia e oronga mai nona, e no tona uanga a muri ake, kare rai ana tamaiti i reira.” (Angaanga 7:5) E 430 mataiti i muri ake i te tikoti anga a Aberahama i te Kauvai Eupharati i riro ei tona uanga ei iti tangata tei noo i taua enua ra.—Exodo 12:40-42; Galatia 3:17.
11. Eaa ra a Aberahama i puareinga ua ai i te tiaki, e eaa te au akameitakianga tana ka kite no tona akakoromaki?
11 Kua puareinga ua a Aberahama i te tiaki no te mea kua papu iaia e ka akatupu a Iehova i tana i taputou. E akarongo tona ia Iehova. (E tatau ia Ebera 11:8-12.) Mataora ua a Aberahama i te tiaki noatu e kare aia i kite pouroa i ta te Atua au taputou te tupu anga i mua ake ka mate ei aia. Inara ka akamanako ana i to Aberahama rekareka me akatuia mai aia i roto i te enua parataito. Ka poitirere aia me tatau i tona tua oraanga e tona ngutuare tangata i roto i te au tuanga o te Pipiria. * (Akara i te tataanga rikiriki i raro.) E akamanako ana mei teaa atura tona rekareka me kite i tona turanga puapinga i te akatupu anga i to Iehova akakoroanga no te Mesia taputouia! Ka papu ia tatou ka manako aia e kua pauna te taime i te tiaki i te au akameitakianga.
12, 13 No teaa a Iosepha i anoanoia ai kia akakoromaki, eaa te tu papu tana i akaari?
12 Kua puareinga katoa te ina a Aberahama ko Iosepha i te akakoromaki. Kua takinoia aia no tetai au tika kore kino tikai. Mea mua, kua oko tona ai taeake iaia ei tuikaa i tona 17 mataiti. E oti, kua akaapa pikikaaia aia no te arapaki i te vaine a tona pu e kua tiria ki roto i te areauri. (Genese 39:11-20; Salamo 105:17, 18) Noatu e tavini tiratiratu a Iosepha no te Atua, i te akara anga kua akautungaia aia e kare i akameitakiia. Inara i muri ake i te 13 mataiti, kua taui te au mea ravarai. Kua tukuia a Iosepha ki vao i te areauri e koia te rua o te tutara ririnui o Aiphiti.—Genese 41:14, 37-43; Angaanga 7:9, 10.
Kite a Iosepha e ko Iehova te akaaere ra e ka pauna te taime te tiaki i te au akameitakianga no ko mai iaia
13 Kua akatupu ainei teia au tika kore ia Iosepha kia riri? Manako ainei aia e kua akaruke a Iehova iaia? Kare. Kua tiaki marie a Iosepha. Eaa tei tauturu iaia? Ko tona akarongo kia Iehova. Kua mārama aia e ko Iehova te akaaere nei i te au mea. Ka kite tatou i teia mei tana i tuatua ki tona ai taeake: “Auraka e mataku: tei iaku ainei ta te Atua? Ko ta kotou i akakoro ei kino noku, ko ta te Atua ïa i akakoro ei Genese 50:19, 20) Kua kite a Iosepha e ka pauna te taime i te tiaki i te au akameitakianga no ko mai ia Iehova.
meitaki, kia tupu iaia ta tatou e kite nei, koia te tangata katoa nei e manganui i te ora anga i teianei rā.” (14, 15 (a) Eaa ra to Davida akakoromaki i umere ei? (e) Eaa tei tauturu ia Davida kia tiaki marie?
14 Kua mamae katoa te Ariki ko Davida no te au tika kore e manganui. Kua akatainu a Iehova ia Davida ei ariki no Iseraela i tona tamariki anga. Inara kua anoanoia a Davida kia tiaki e 15 mataiti i mua ake ka riro ei ei ariki no tona kopu. (2 Samuela 2:3, 4) I taua tuatau ra, kua oro e kua pipini a Davida mei te Ariki ko Saula, tei tauta i te tamate iaia. * (Akara i te tataanga rikiriki i raro.) Tei tupu, kare o Davida kainga nona uaorai. Kua noo aia i te au enua ke me kore ki roto i te ana o te metepara. I muri mai, kua tamateia a Saula i roto i te tamaki. Inara kua tiaki rai a Davida e itu akaou mataiti kia riro mai ei ariki no te iti tangata katoa o Iseraela.—2 Samuela 5:4, 5.
15 No teaa ra a Davida i puareinga ua ai i te tiaki marie? Oronga aia i te pauanga i roto rai i te salamo i ui ei aia e ā taime: “Mei te aa te roa?” Akakite aia e: “Te irinaki nei ra au i te aroa noou ra; ka rekareka toku ngakau i te ora naau ra; Ka imene au kia Iehova, kua takinga-meitaki mai oki aia iaku.” (Salamo 13:5, 6) Kua kite a Davida e e inangaro to Iehova iaia e ka vai tiratiratu kiaia. Kua akamanako aia i te au taime i tauturu ei a Iehova iaia i mua ana, e kua tapapa marie aia i te taime me akaope a Iehova i tona au timataanga. Kite a Davida e ka pauna te taime i te tiaki i ta Iehova au akameitakianga.
Kare a Iehova i pati ia tatou kia rave i tetai angaanga e kare aia e puareinga ua i te rave
16, 17 Akapeea te Atua ko Iehova e Iesu Karaiti te akanooanga i te akaraanga meitaki rava no te tiaki marie?
16 Kare a Iehova i pati ia tatou kia rave i tetai angaanga e kare aia e puareinga ua i te rave. Kua akanoo aia i te akaraanga meitaki rava atu i te tiaki marie. (E tatau ia 2 Petero 3:9.) Ei akaraanga, e tauatini ua atu mataiti i topa i roto i te aua i Edene, kua akaapa a Satani ia Iehova no te tika kore. “E tapapa rā Iehova” i te tuatau no te akatapu takiri i tona ingoa. Ka apai mai te reira i te au akameitakianga manea ki te aronga “tei tapapa marie iaia ra.”—Isaia 30:18.
17 Kua puareinga katoa a Iesu i te tiaki marie. Iaia i te enua nei, kua vai tiratiratu aia e tae ua atu ki tona matenga. I te mataiti 33, kua oronga aia i te puapinga o tona atinga kia Iehova i te rangi. Inara kua anoanoia aia kia tiaki e tae ua atu ki te 1914 kia akamata i te tutara Angaanga 2:33-35; Ebera 10:12, 13) Noatu ra, ka tiaki rai a Iesu e tae ua atu ki te openga o tana Tutara Tauatini Mataiti me takoreia tona au enemi. (1 Korinetia 15:25) E tuatau roa teia i te tiaki anga. Noatu ra, ka pauna te taime i te tiaki no te au akameitakianga.
ei Ariki. (EAA TE KA TAUTURU IA TATOU?
18, 19 Eaa te ka tauturu ia tatou kia tiaki marie?
18 Te taka meitaki ua ra, ka inangaro a Iehova ia tatou kia akakoromaki, kia puareinga ua i te tiaki marie. Eaa te ka tauturu ia tatou kia pera? Kia pure tatou no te vaerua tapu o te Atua. E akamaara, no ko mai te akakoromaki i te vaerua tapu o te Atua. (Ephesia 3:16; 6:18; 1 Tesalonia 5:17-19) No reira e pati akatenga i ta Iehova tauturu kia akakoromaki marie!
19 E akamaara katoa eaa tei tauturu ia Aberahama, Iosepha, e Davida kia tiaki marie i ta Iehova au taputou kia tupu. Ko to ratou akarongo e te irinaki ia Iehova. Kare ratou e akamanako ana ia ratou uaorai e ta ratou i anoano. Me akamanako tatou i te au akameitakianga ta ratou i rauka mai, ka akamaroiroiia tatou kia akaari i te tu tiaki marie.
20. Eaa ta tatou ka tauta i te rave?
20 Noatu e ka na roto tatou i te turanga ngata, kia akapapu tatou kia ‘tapapa marie.’ Penei ka ui tatou: “Mei te aa te roa, e te Atu e?” (Isaia 6:11) Inara ma te tauturu a te vaerua tapu o te Atua, ka aru tatou i te peroveta ko Ieremia i te karanga e: “Ko Iehova taku nei tuanga” e “no reira au i irinaki atu ei iaia.”—Te Aue o Ieremia 3:21, 24.
^ para. 11 Mei te 15 pene o te puka o Genese tei uriuri i to Aberahama oraanga. Pera katoa, kua taiku te au tata o te au Tuatua Tapu Ereni Kerititiano ia Aberahama e 70 tuma taime.
^ para. 14 Kua kopae a Iehova ia Saula i muri ake i te tutara anga e rua mataiti. Noatu ra, kua tutara a Saula e 38 mataiti e tae ua atu ki tona mateanga.—1 Samuela 13:1; Angaanga 13:21.