Akapumaana a Iehova ia Tatou i te au Timataanga Ravarai
“Ko te Atua nona anake te pumaana; Ko tei akapumaana mai ia matou i to matou au mate katoa nei.”—2 KORINETIA 1:3, 4.
1, 2. Akapeea a Iehova te akapumaana anga ia tatou i roto i te au timataanga, e eaa te taputou i roto i tana Tuatua?
KOI akamanako ei tetai taeake mapu kare i akaipoipo ia 1 Korinetia 7:28, te na ko ra e “e pekapeka ra to te [aronga akaipoipo] i te kopapa nei.” I reira kua ui aia ki tetai tangata pakari tei akaipoipo: “Eaa teia ‘pekapeka’ nei, e akapeea au me akono i te reira me akaipoipo au?” I mua ake ka pau ei te tangata pakari i tana uianga, kua pati aia i te taeake mapu kia akamanako i tetai mea ke ta te apotetoro ko Paulo i tata: Ko Iehova “te Atua nona anake te pumaana; Ko tei akapumaana mai ia matou i to matou au mate katoa nei,” me kore te au timataanga.—2 Korinetia 1:3, 4.
2 Kua kite tatou te aroa maira to tatou Metua ko Iehova ia tatou, e ka akapumaana ia tatou me rokoia e te turanga ngata. Penei ka maara koe i tetai au atianga ta Iehova turu anga e te aratakianga ia koe na roto i tana Tuatua. Ka irinaki papu tatou te inangaro ra aia i te mea meitaki no Ieremia 29:11, 12.
tatou mei tana i rave no tona au tavini i topa.—E tatau ia3. Eaa te au uianga ka pauia i roto i teia atikara?
3 Maata anga i te taime, e māmā ake i te akakoromaki i te au manamanata e te timataanga me kite tatou i te tumu i tupu ei te reira. No reira eaa te tumu ka aro atu ei tatou i te timataanga i roto i te oraanga akaipoipo e te ngutuare tangata? Eaa te au akaraanga mei te tuatau Pipiria e teia rā te ka tauturu ia tatou kia rauka te akapumaana? Ka pau tatou i teia au uianga e ka kite akapeea me akakoromaki i te au timataanga.
AU MANAMANATA I ROTO I TE ORAANGA AKAIPOIPO
4, 5. Eaa te au timataanga ta te nga tokorua ka aro atu?
4 I te anga mai anga a Iehova i te vaine mua, kua arataki aia iaia ki te tane, e kua riro iora ei vaine nana. E oti karanga a Iehova: “E akaruke ei te tangata i tona metua tane e tona metua vaine, ka piri atu ei ki tana vaine; e ka riro oki raua ei kopapa okotai.” (Genese 2:24) E tika, e aronga ara anake tatou pouroa. (Roma 3:23) Teia te tumu ka tapapa te tane e te vaine tei akaipoipo i te au manamanata. Ei akaraanga, i mua ake ka akaipoipo ei, kua akarongo tetai vaine ki tona nga metua. Inara karanga te Pipiria e me akaipoipo raua, ko te tane te upoko o tana vaine. (1 Korinetia 11:3) Penei i te akamataanga, ka ngata i te tane i te oronga i te aratakianga ki tana vaine. Penei ka ngata katoa i te vaine i te āriki i te aratakianga a tana tane, kare ra mei ta tona nga metua rai. E tetai, me akaipoipo te tokorua, penei ka tupu te manamanata ki te metua ongai, e ka riro katoa ei timataanga.
5 Akamanako katoa ana mei teaa te tu o te nga tokorua me kite raua e ka anau mai ta raua pepe mua. Noatu e mataora maata to raua, maata te taime ka apiapi katoa. Penei ka manako raua me ka meitaki rai te anau, e ka manata raua i te turanga o ta raua pepe. Kua kite katoa raua e ka maata te moni ka pou. Me anau mai te pepe, ka anoanoia te nga tokorua kia rave i te au akatanotano anga. Penei ka pou te taime o te metua vaine i te akono i te pepe. No reira kare te nga tokorua e akapou i te taime ki tetai e tetai mei to mua ana. Ka maata katoa te apainga a te metua tane. Ka akapapu aia kia rauka i te au mea te anoanoia ra e tana vaine e te pepe.
6-8. Eaa ta te nga tokorua ka manako me kare raua e anau tamariki?
6 Ka aro atu tetai au tokorua akaipoipo i te au timataanga ke. E ākā inangaro to raua i te anau tamariki, inara kare e rauka. Me kare te vaine e nui, ka tupu te mamae ngakau kiaia. (Maseli 13:12) I te tuatau Pipiria, e puapinga tikai no te au vaine kia akaipoipo e kia anau tamariki. No reira te vaine a Iakoba ko Rahela i taitaia tikai ei no te mea e vaine pa aia e kua anau tamariki tona tuakana. (Genese 30:1, 2) I tetai au enua i teia tuatau, e manganui tei irinaki e puapinga tikai kia maata te tamariki. E ui putuputu ana te tangata ki te au mitinari i tera au enua eaa te tumu kare a ratou tamariki. Noatu e ka tauta te au mitinari i te akamārama meitaki i te tumu, ka karanga rai tetai pae, “Ka pure matou no korua.”
7 Akamanako ana i tetai atu akaraanga. Kua inangaro tikai tetai tuaine i Peritane i te anau tamariki. Te kite anga aia e kare e rauka iaia kia anau tamariki i roto i teia akatereanga, kua maromaroa tikai aia. Kua manako raua ko tana tane i te retita i tetai tamaiti na raua. Noatu ra kua mii aia no tetai tuatau. Karanga aia, “Kua kite au kare te akono anga i te tamaiti retitaia e aite ana ki te anau i taku uaorai tamaiti.”
8 Karanga te Pipiria “E ora ra [te vaine] i te anau anga i te tamariki.” (1 Timoteo 2:15) Kare te aiteanga e ka rauka iaia te ora mutukore no te anau tamariki. No reira, eaa te aiteanga o teia irava? E maata te angaanga a te metua vaine i te akono i tana tamariki e te ngutuare. Ka tauturu teia iaia kia kopae i te au mea kino mei te urutoe e te akaō atu iaia ki roto i te au mea kare ona tika anga. (1 Timoteo 5:13) Noatu te reira, ka aro atu rai aia i te au manamanata i roto i tona oraanga akaipoipo e te ngutuare.
E maata te au taputou a Iehova tei akapumaana ia tatou i te tuatau ngata
9. Eaa tetai akaou timataanga ta te aronga akaipoipo ka aro atu?
9 Tetai akaou timataanga ka aro atu te aronga akaipoipo, me mate to ratou tokorua. Noatu e kua manako tetai pae e kare rava teia e tupu kia ratou, e manganui tei akakoromaki i teia tu. Irinaki pu tikai te au Kerititiano i te taputou o te tuakaouanga, e ka akapumaanaia ratou. (Ioane 5:28, 29) I roto i tana Tuatua, e maata te au taputou a to tatou Metua ko Iehova tei akapumaana ia tatou i te tuatau ngata tikai. Teianei ka akara tatou akapeea tetai au tavini o Iehova i rauka ai te akapumaana e akapeea te reira te tauturu anga ia ratou.
Akapeea koe e rauka ai te akapumaana me mate toou tokorua? (Akara i te parakarapa 9, 12)
TE AKAPUMAANA ME ROKOIA E TE AU TIMATAANGA
10. Akapeea a Hana te akapumaanaia anga? (Akara i te tutu mua.)
10 Akamanako ana eaa tei tupu kia Hana, te vaine akaperepere a Elikana. Inangaro tikai aia i te anau tamariki, inara e pa aia. Kareka te vaine ke a tana tane ko Penina, e maata tana tamariki. (E tatau ia 1 Samuela 1:4-7.) Tei kino roa atu, kua aviri a Penina iaia “i te au mataiti ravarai” no tona turanga pa. Kua tamamae tikai aia ia Hana. Eaa ta Hana i rave kia rauka te pumaana? Kua pure aia kia Iehova. Kua aere a Hana ki te ngai akamori ia Iehova e kua pure no tetai tuatau roa. Pati aia ia Iehova kia oronga mai i tetai tamaiti nana, e kua irinaki aia i Tana tauturu. Muri ake i tana pure, kua meitaki mai tona turanga e “kare atura tona mata i kinokino.” (1 Samuela 1:12, 17, 18) Kua kite aia e ka oronga mai a Iehova i tetai tamaiti nana me kore ka akapumaana iaia na tetai mataara ke.
11. Akapeea te pure me akapumaana ia tatou?
11 No te mea e aronga apa ua tatou e te noo nei i to Satani ao, ka aro atu rai tatou i te au timataanga. (1 Ioane 5:19) Inara e tauturu to tatou. Ka rauka ia tatou i te pure kia Iehova, “te Atua nona anake te pumaana.” Ko teia ta Hana i rave. Kua akakite aia kia Iehova eaa tikai to roto i tona ngakau e kua pati akatenga i tana tauturu. Mei te reira katoa, me rokoia tatou e te mamae, eiaa tatou e taiku ua i to tatou manamanata kia Iehova. Mari ra, e pati akatenga kiaia no te tauturu ma te akakite eaa tikai to roto i to tatou ngakau.—Philipi 4:6, 7.
12. Eaa tei tauturu ia Ana kia mataora noatu tona au timataanga?
12 Penei ka maromaroa tatou me kare e rauka te anau tamariki me kore me mate tetai tei akaperepereia e tatou. Inara ka rauka rai te akapumaana. Akamanako ana i te akaraanga o Ana, tei ora ana i to Iesu tuatau. E itu ua rai mataiti tona akaipoipo anga e kua mate tana tane. Pera katoa i te akaraanga kare ana tamariki. Eaa tei tauturu iaia? “Kare rava aia i akaruke i te iero.” Noatu e 84 ona mataiti, kua aere rai a Ana ki te iero i te pure e te akamori ia Iehova. (Luka 2:37) Riro teia ei akapumaana e te tauturu iaia kia mataora noatu tona au timataanga.
13. Me akataitaia te kopu tangata ia tatou, akapeea te au taeake mou me akapumaana ia tatou?
13 Ka rauka katoa te akapumaana mei te au taeake mou i roto i te putuputuanga. (Maseli 18:24) Ko Paula, e rima ua rai ona mataiti te akamutu anga tona metua vaine i te tavini ia Iehova. Maromaroa tikai a Paula, e kua ngata teia turanga. I reira kua akamaroiroi tetai tuaine painia ko Ann iaia e kua akaari i te inangaro. “Noatu e kare a Ann i te kopu tangata no matou, kua riro tona inangaro ngakau tae ei tauturu iaku,” i karanga ai a Paula. “Kua tauturu teia iaku kia tavini ua atu ia Iehova.” I teianei, kua oki mai te metua vaine o Paula ki te putuputuanga, e kua mataora tikai a Paula. Mataora katoa a Ann no te tauturu ia Paula kia tavini ua atu rai ia Iehova.
14. Akapeea tatou e puapinga ai me akapumaana i etai ke?
14 Me maroiroi tatou i te rave i te au angaanga meitaki no tetai ke, ka ngaropoina Philipi 2:4) Ko teia ta te apotetoro ko Paulo i rave. Kua akono aia i etai ke “mei te metua i matuapuru i tana tamariki.” E kua akapumaana aia ma te akamaroiroi i te au taeake “mei te metua i tana tamariki.”—E tatau ia 1 Tesalonia 2:7, 11, 12.
ia tatou to tatou au manamanata. Ei akaraanga, e maata te au tuaine tei akaipoipo e kare i akaipoipo, kua kite e me tutu aere i te nuti meitaki o te Patireia ki te tangata, te angaanga kapiti ra ratou kia Iehova e te rave ra i tona anoano. Mataora ratou i teia. E tika, ka rauka ia tatou pouroa i te akaari i te inangaro no tetai ke me akakite i te nuti meitaki kia ratou. Pera katoa, me takinga meitaki tatou i te au taeake e te au tuaine, ka piri vaitata atu tatou kia ratou. (AKAPUMAANA ANGA NO TE NGUTUARE
15. Naai te apainga kia apii i te tamariki no runga ia Iehova?
15 Akapeea tatou me akapumaana i te au ngutuare tangata i roto i te putuputuanga? Tetai taime, ka pati te aronga ou i ta tatou tauturu kia apii i ta ratou tamariki no runga ia Iehova me kore i te apii i te Pipiria ki ta ratou tamariki rikiriki. Te akaari maira te Pipiria kua oronga a Iehova i te apainga na te au metua kia apii e te tereni i ta ratou tamariki. (Maseli 23:22; Ephesia 6:1-4) Noatu e ka tauturu tetai pae i tetai taime, e puapinga tikai no te au metua kia apii i ta ratou tamariki. Ka tau te au metua kia tuatua putuputu ki ta ratou tamariki.
Ka tau te au metua kia tuatua putuputu ki ta ratou tamariki
16. Eaa ta tatou ka akamaara me tauturu i te tamariki?
16 Me pati tetai metua ia tatou kia apii i te Pipiria ki tana tamaiti, e mea meitaki kia akamaara e kare to tatou taoonga e aite ana ki to te metua. Tetai taime ka apii katoa tatou i te Pipiria ki tetai tamaiti kare tona nga metua i roto i te tuatua mou. Me apii tatou i te tamariki kare na tatou, e mea meitaki kia apii i ko i to ratou kainga me tei reira te metua me kore tetai atu Kite me kore e rave i te apii i te ngai tangata. Me pera, kare tetai ke e akatupu i te manako tarevake no tatou. I te tuatau ka aereia, penei ka apii te metua i ta ratou tamariki no Iehova.
17. Akapeea te tamariki me akapumaana i te ngutuare tangata?
17 Te au mapu tei inangaro ia Iehova, ka rauka te akapumaana e te akamaroiroi i to ratou ngutuare tangata. Akapeea? Me akangateitei i to ratou nga metua e te angaanga pakari i te tauturu ia raua na te mataara tau. Pera katoa, me tiratiratu te tamariki kia Iehova, ka akamaroiroi teia i te ngutuare. I mua ake i te Vaipuke, kua akamori a Lameka ia Iehova. Karanga aia no tana tamaiti ko Noa: “Ka riro teianei tamaiti ei akamaru anga no tatou i to tatou roiroi, e te angaanga a to tatou nei rima, no te enua i taumaaia e Iehova ra.” Kua tupu teia totou i muri ake i te Vaipuke te akaatea anga a Iehova i te taumaa mei te enua. (Genese 5:29; 8:21) I teia rā, ka rauka i te tamariki tei tiratiratu kia Iehova i te akapumaana i to ratou ngutuare tangata. Ka tauturu ratou i te katoaanga o te ngutuare kia akakoromaki i te timataanga i teianei e te tuatau ki mua.
18. Eaa te ka tauturu ia tatou kia akakoromaki i tetai ua atu timataanga?
18 I teia rā kua rauka i te iti tangata o Iehova te akapumaana na roto i te pure, te akamanako oonu i te au akaraanga Pipiria, e te pirianga vaitata ki to ratou au taeake e te tuaine. (E tatau ia Salamo 145:18, 19.) Kua kite tatou e kua papa ua a Iehova i te akapumaana ia tatou, e e papu roa e ka tauturu aia ia tatou kia akakoromaki i tetai ua atu timataanga!