Ae, na te noo kapiti anga i te po ko raua anake ua ma te kore e tumu meitaki, e akapapu anga teia e kua rave raua i te ainga tau kore. No reira, ka tau kia akatupuia tetai kumiti tukuanga tika me kare atu e au tumu meitaki.—1 Korinetia 6:18.

Ka uriuri meitaki te pupu aronga pakari i te turanga tataki tai kia akara me ka anoanoia tetai kumiti tukuanga tika. Ei akaraanga: Kua aere kapiti ana ainei te nga tokorua? Kua ako ainei te aronga pakari ia raua i mua ana, no to raua tu ki tetai e tetai? Eaa raua i noo kapiti ei i te po? Kua parani ainei raua i te reira i mua ake ana? E ravenga ke atu ainei tetai, me kua tupu ua teia kare raua i manako atu ana, mei tetai akakoroanga manako koreia me kore tetai tumatetenga tei tupu kare atu e ravenga mari ra kia noo kapiti i te reira po? (Koheleta 9: 11) Kua moe raua kiea? E tuke te au turanga tataki tai, penei te vai atura tetai atu au akakiteanga te ka ō mai ki roto i te tukuanga tika a te aronga pakari.

I muri ake i te uriurianga a te aronga pakari, i reira e akaraia ai me ka tau kia akatupuia tetai kumiti tukuanga tika.