Tei puapinga rava atu, te akapumaana maira te Pipiria ia tatou e te mārama maira Tei Anga ia tatou, ko te Atua ko Iehova, a i to tatou manako ngakau. Te inangaro ra aia i te tauturu ia tatou kia akakoromaki i tetai ua atu manamanata. Ei akaraanga, akara e rua irava Pipiria pumaana:

“Te vaitata nei a Iehova i te aronga ngakau paruparu ra; e te akaora nei aia i te aronga ngakau taitaia.”​—SALAMO 34:18.

“Ko au oki to Atua ra, ko Iehova, ko tei akamaroiroi i to rima katau ra; ko tei tuatua atua ia koe e, Auraka e mataku, naku koe e tauturu.’”​—ISAIA 41:13.

Akapeea ra a Iehova me tauturu ia tatou kia akakoromaki i te au manamanata maki manako? Mei taau ka kite i te au atikara ka aru mai, ka akaari mai a Iehova e te akaperepere tikai ra aia ia tatou na roto i tana au ravenga tauturu.