Tupu te Maki Manako i Teianei Ao
“E taitaia ua ana au, noatu me ko au anake ua.”
“Me noo meitaki ua au, kua manata au. Kite au i muri ake i te tuatau ‘mataora’ ka aru mai te ‘maromaroa kino.’”
“Ka akakoromaki au i te au rā tataki tai, inara i tetai au taime ka apiapi kino au.”
Kua tupu ainei te maki manako mei teia kia koe? Te tupu ra ainei kia koe—me ki tetai taau i akaperepere—teia manamanata?
Kia akapumaana kare ko koe anake ua. E maata te tangata tei rokoia e teia au maki manako, pera te aronga tei akaperepere ratou.
Kare e ekoko, te noo nei tatou i te tuatau “kino maata” tei akatupu i te au tu taitaia. (2 Timoteo 3:1) Kua kite mai tetai kimikimi anga, e i te ao katoa, e tai i roto i te varu tangata te akakoromaki ra i tetai tu maki manako. I te 2020, kua akatupu te maki COVID-19 i te apiapi kino e te au maki taitaia mei te 26 ki te 28 patene te maata.
E mea puapinga kia kite eia tangata e rokoia ra e te maki manako. Inara e puapinga rava atu kia kite akapeea koe e toou au akaperepere te akono anga i te oraanga pae manako.
Eaa te oraanga pae manako?
Te oraanga manako meitaki, e turanga meitaki te reira e ka meitaki taau angaanga. Ka rauka ia koe te akakoromaki i te au apiapi o te au rā, te rave i te angaanga, e kia mataora te oraanga.
Te maki manako . . .
-
KARE i te tu paruparu.
-
E turanga maki tei akatupu i te taitaia maata e ka takinokino i te manako, te ngakau, e ta tetai e rave ra.
-
E ka takino maata i te pirianga o tetai ki tetai e ka ngatā te rave i te au angaanga o te oraanga.
-
Ka tupu teia ki tetai ua atu noatu te mataiti, te peu, te iti tangata, te kopu, te akonoanga, te turanga apii, e te puapinga.
Kimi i te tauturu no te au maki manako
Me te kite ra koe me kore tetai tei akaperepereia te au taui anga maata i toou tu, kua tamanataia te moe me kore te kaikai, te taitaia roa, te apiapi, te maromaroa, penei ka anoano koe i te tauturu a te taote e kia rapakau i toou turanga. Inara ka aere koe kiea no te tauturu?
Akakite te tangata pakari rava atu tei ora ana, ko Iesu Karaiti e: “Kare no te aronga ora te [taote], no te aronga maki ra.” (Mataio 9:12) Me rauka te rapakau anga a te taote e te vairakau, ka riro te reira ei akaiti mai i te maki e ka rauka tetai oraanga meitaki e te mataora. E mea tau eiaa e tavarevare i te rapakau anga me kua kino toou maki e kua roa te tupu anga. a
Noatu kare te Pipiria i te puka rapakau anga maki, ka riro te reira ei mea puapinga ki to tatou oraanga pae manako. Te pati pumaana atu nei matou ia koe kia akara i te au atikara ka aru mai akapeea te Pipiria me tauturu ia tatou kia akakoromaki i te au maki manako.
a Kare Te Punanga Tiaki e māro i tetai ua atu rapakau anga. Ka akamanako meitaki tetai i tana ka rave i mua ake ka tuku ei i tana uaorai ikianga.
Ka Reka Katoa Koe i Teia
ESSENTIAL BIBLE TEACHINGS
Eaa ra te Atua i Akatika ai i te Mamae Kia Tupu?
Oronga mai te Pipiria i te pauanga taka meitaki e te akapumaana.
UI TE AU MAPU E
Akapeea Au me Tāmaru i te Taitaia?
E ono takainga te ka tauturu ia koe me tupu ake te taitaia.
KIA MATAKITE!
Maata te Au Mapu e na Roto Nei i te Maki Manako—Eaa ta te Pipiria e Akakite Maira?
Oronga maira te Pipiria i te au akoanga tau no te au mapu te tupu ra te maki manako kia ratou.
NO RUNGA IA MATOU
Pati i Tetai Atoroanga
Uriuri i tetai uianga Pipiria, e e akara kia kite maata atu i te Au Kite o Iehova.
