3 | Au Akaraanga Pumaana o te Pipiria
KARANGA TE PIPIRIA . . . E au tane e te au vaine tiratiratu “mei ia tatou katoa te tu.”—IAKOBO 5:17.
Te Aiteanga
Tei roto i te Pipiria te au tua o te au tane e te au vaine tukeke te au manako ngakau. Me tatau tatou i te reira, ka kite tatou kua aite te reira akaraanga Pipiria kia tatou.
Te Tauturu
Inangaro tatou kia maramaia tatou. I te taime tikai me tupu te maki manako kia tatou. Me tatau tatou i te au tua Pipiria, penei ka kite tatou kua aite katoa te reira kia tatou. Kite mai tatou kare ko tatou anake ua te akakoromaki ra i te apiapi kino e te mamae ngakau.
Kua tata te Pipiria i te au manako o te aronga tei mamae te ngakau. Kua manako ainei koe, ‘Kare e rauka akaou iaku te akakoromaki’? Ko Mose, ko Elia e Davida tetai.—Numero 11:14; 1 Ariki 19:4; Salamo 55:4.
Akakite te Pipiria e kua ‘tumatetenga rava te ngakau’ o te vaine ko Hana, no te mea kare aia e anau tamariki e kua akakinoia e te rua o te vaine.—1 Samuela 1:6, 10.
Akakite te Pipiria no Iobu penei ka mārama tatou iaia. Noatu e tangata akarongo aia, kua tupu te mamae ngakau kiaia e kua karanga: “Kua iu au; auraka au kia ora.”—Iobu 7:16.
Na te apiianga akapeea teia au taeake Pipiria te akakoromaki anga i teia au manako tau kore, ka akapumaanaia tatou kia akakoromaki i teia au manako mamae.