Eaa ra ka Autu ei i te Tu Apa Kore?

Te tauta pakari ua ra ainei koe i te rave i toou meitaki tikai? Te taka meitaki ra, ia koe e rave ra i te reira i etai au tu e manganui te akapuapinga ra ia koe e te au tangata i te pae mai ia koe. I tetai tua, kua rave etai i te au mea ma te pakari e kua riro mai ei au tangata anoano i te tu apa kore. Eaa ta te reira e akakite ra?

KO TETAI aiteanga o te tuatua “tu apa kore,” koia oki “e tu ia te manako ra e kare e arikiia tetai apinga kua kore te tu apa kore.” Penei kua aravei ana koe i te au tangata e tu to ratou mei te reira rai. Ka kite koe e ka akatupu ta ratou umuumu anga pakari e tuku ra ki runga i tetai i te au manamanata e manganui, te akatupuanga i te reva merengo kore e te maroiroi kore. Ka kite te maata anga o te au tangata tau e kare i te mea inangaroia te anoano i te tu apa kore pakari ra e te au umuumu anga tau kore i te au mea o te oraanga. Ko tetai apinga ia kia autuia. Inara, ko tetai manamanata, koia oki me tae mai ki to tatou uaorai tu manako me kare tu, penei ka ngata i te kite i te tu anoano i taua tu apa kore, no reira e akaaoanga no te autu i te reira.

E maata tikai ta Nelson apainga e e manganui te au manamanata kia akatikatikaia. E akara putuputu ana aia i te au numero tareanga, e e puapinga maata te maani anga apinga. E putuputu te taime kua manakoia ei mea anoanoia te tu apa kore e puapingai i roto i te angaanga taemoemo. Noatu e ka ariki meitaki etai i to Nelson tu mako, kua akatupu tona anoano i te tu apa kore i te au manamanata kiaia i te pae kopapa, mei te au mamae anga upoko e te taitaia. Te kitea ra ainei koe i ta Nelson e kite ra?

Kua takino katoaia te au mapu e te anoano i te tu apa kore. Ei tamariki, e reka ana a Rita, no Rio de Janeiro mai, i te aere ki te apii. Kua tauta aia auraka kia akaraanga e te aruaru ra, inara kua taitaia aia me kare i rauka iaia te au tarere anga teitei. Kua tuatua a Rita: “Mei te tamariki anga, kua akaaite au iaku uaorai ki tetai e maata to ratou taime, koi akataitaiaiai au e te orooro ra i te rave i te au apinga. Kare au i manako ana e taime toku no te akaangaroi no te mea te vaira te au apinga tei anoanoia kia raveia.”

 Ei tamaine meangiti, ka aue a Maria ma te apiapi me kare e rauka iaia i te toro meitaki mei tetai atu. Pera katoa, i roto i tana kimikimi anga i te ati meitaki tikai i te akatangi anga imene, e putuputu te taime kua taitaia aia e kua manamanata e kare i rekareka ana i tana akatangianga me kare imeneanga. Kua aaki tetai tamaine Brazil, ko Tânia, tei tauta e kia tau ua e kia kopae i te tu taemoemo, e te akanoo ra rai aia i te au turanga teitei nona uaorai, i te apii e i te kainga. Kua manako aia e me kare e meitaki tana angaanga, kare te tangata e reka maata mai iaia. Pera katoa, i tetai taime kua tapapa maata a Tânia no tetai atu, tei akakeu iaia kia taitaia e te maromaroa.

Noatu e puapinga te tu tau, te maroiroi, e te akamerengo anga i tetai uaorai, penei ka tupu mai te au manako papu kore, mei te mataku anga e ka poka, no te akanoo anga i te au akakoroanga kare e rauka i te itaeia. Penei ka akanoo te au metua me kare tetai atu i te turanga anoano i te tu apa kore i roto i te angaanga apii me kare te akamatutu anga penei te kite ra te au mapu e mea ngata i te akono. Ei akaraanga, kua manako maata te metua vaine o Ricardo iaia, te inangaroanga iaia kia riro mai ei taote, kia akatangi i te piani, e kia tuatua i etai au reo tukeke. Te kite ra ainei koe e ko teia akaraanga, me manako pakariia, te akamaata ra i te au manamanata me kare te au maromaroa?

Eaa ra ka Kopae ei i te Tu Apa Kore?

Te umuumu maataia ra te angaanga e teitei te meitaki, te aro atu anga i te au turanga teitei mako tikai e te meitaki rava. No reira kua taemoemo te tangata i roto i te ngai angaanga. Ko tetai tumu te akakeu ra i te manganui kia tauta pakari ua atu koia oki ko te mataku anga e ka ngere i ta tetai au ravenga tauturu anga. Kua riro mai etai aronga angaanga mei te tangata oro tei akono i te au akaatinga pakari kia akanoo i tetai rekoti ou. I reira, me aro atu i te taemoemo anga pakari, penei kua akakeuia aia kia tereni maata atu, penei i te taangaanga anga i te au apinga kemikara kia meitaki mai e​—te manakonako ra aia​—kia re. Te monoanga i tetai aruaru anga maroiroi ma te tu mako, te akakeu ra te tu apa kore i te tangata kia “oparaia e te mataku e ka poka” me kare “kua akaoroia kia riro e ko te numero tai.”​—The Feeling Good Handbook.

E tika ua, kua manako etai e ko ta ratou ka rave i roto i te au ati me kare te au akamatutu anga ka rauka ua i te akameitakiia. Noatu rai, kia tau kia Dr. Robert S. Eliot, “e tapapaanga te tu apa kore tei kore rava e kiteia ana.” Kua tuatua mai aia: “Kua o mai ki roto i te reira te tu tataraara, te paruru ua, e te mataku anga e ka akavaavaaia mai.” No reira, mei teaa te tika i te au tuatua a te ariki pakari ko Solomona: “Kua akara iora au i te au mea katoa i raveia, e te au angaanga tika katoa ra; kua varea katoaia oki te reira e te tangata tupu nei. E mea puapinga kore katoa te reira e te kai i te matangi.”​—Koheleta 4:4.

Eaa taau ka rave me te anoano ra koe i te tu apa kore? E tikai ainei e ko te maata atu i taau e tauta ra, ka maata atu ia toou tu maromaroa? Te inangaro ra ainei koe kia kore e umuumu maata e kia akaangaroi ua? Eaa te aite anga e kia apa kore? Kare ainei koe e te umuumu ra i te taangaanga ki tikai i toou tu meitaki koi kopae ei i te anoano i te tu apa kore? Me ka rauka i te au tangata apa ua i te taangaanga i to ratou au tu orongaia mai e te Atua kia kite i te au mea ei puapinga no tetai atu, ka akamanako ana i te ka rauka i te au tangata i raro ake i te au turanga apa kore e te arataki anga tu-Atua!

[Tutu i te kapi 4]

Penei ka umuumu te au metua me kare tetai atu i te tu apa kore, tei kore e rauka i te au mapu