Tereanga ki Mua ki te Autu Anga Openga!
Tereanga ki Mua ki te Autu Anga Openga!
“I na, e oroenua teatea: e e ana ta tei noo ki rungao; e e korona tei orongaia mai nona: aere atura aia ma te upokotu atu e kia upokotu atu rai.”—APOKALUPO 6:2.
1. Eaa te au tupuanga i te tuatau ki mua ta Ioane i kite i te orama ra?
NA ROTO i te akauru anga tu-Atua kua rauka i te apotetoro ko Ioane kia akara atu i etai 1,800 mataiti ki mua e kua akataka mai i te akaterono anga o Karaiti ei Ariki. Kua umuumu a Ioane i te akarongo kia irinaki eaa tana i akara atu i roto i te orama ra. Kua kite meitaki tikai tatou i teia tuatau e kua tupu teianei akaterono anga totouia maira i te 1914. Ma nga mata akarongo ra, ka kite tatou ia Iesu Karaiti e te “aere atura aia ma te upokotu atu e kia upokotu atu rai.”
2. I akapeea ta te Tiaporo rave anga i te akanoo angaia te Patireia ra, e eaa ta teianei i akakite maira?
2 Aru mai i te akanoo angaia te Patireia ra, kua uriia maira Satani mei te rangi mai, kua akariro iaia Apokalupo 12:7-12) Na tona riri i akariro i te au turanga o teianei ao kia kino rava atu. I te akara anga te taeke atura te taiate tangata nei. Ki te Au Kite o Iehova kua akataka papu mai teia e te aere atura to ratou Ariki ki mua “e kia upokotu atu rai” aia.
kia tamaki maata atu e ma te riri maata atu oki inara kare rava e rauka iaia kia akameitaki mai i tona tu no te autu anga. (Tetai Taiate Ao Ou te Akanooia Maira
3, 4. (a) Eaa te au tauianga akaaerenga i raveia i roto i te putuputuanga Kerititiano mei te akanoo maianga i te Patireia, e eaa ra i umuumuiai te reira? (e) Eaa te puapinga o te reira au tauianga, mei ta Isaia i totou maira?
3 I te akanoo angaia mai te Patireia ra kua tae te tuatau kia apai mai i te putuputuanga Kerititiano akaoraia ra—i teianei ma te tupuanga kia maata atu te au apainga Patireia—kia piri vaitata atu ki te tu akaraanga o te putuputuanga Kerititiano o te anere mataiti mua ra. No reira, i roto i tona nga itiu no Tiunu 1 e te 15, 1938, kua akara meitaki The Watchtower e akapeea te rave angaanga tau na te akaaerenga Kerititiano ra. I muri akera, i te itiu o Titema 15, 1971, kua meitaki atu te akataka anga i te Pupu Akaaere o teia tuatau nei i roto i te atikara “Tetai Pupu Akaaere tei Tuke mei Tetai Taokotaianga i te Pae Ture.” I te 1972, kua akataoongaia te au pupu aronga pakari kia akono i te tauturu e te arataki anga no te au putuputuanga.
4 Kua akamaroiroi maata mai te akaora anga i te akaaere tika i te putuputuanga Kerititiano ra. Pera katoa ei tauturu i teia ko te au akanoonooanga tei akonoia e te Pupu Akaaere ra kia apii atu i te aronga pakari ra i ta ratou au angaanga, kapiti katoa oki i te terenianga ia ratou i te au tumu akava anga. Te au akatupu anga marie tei kapiti ra i ta te Atua ra akanoonoo anga akaaerenga i te enua nei e to ratou au Isaia 60:17: “E kauonoia mai e au te veo ki te auro; e kauonoia mai e au te auri ki te ario; e kauonoia mai te rakau ki te veo; e kauonoia mai te toka ki te auri: e akariro au i toou au akara ei au; e taau au rangatira ei tuatua-tika.” Ko teianei au tauianga papu kua akaata mai i te au akameitaki tu-Atua e te akapapu maira i to te Atua mareka anga no te aronga tei aere maira ei turu totomapu no tona Patireia ra.
tupuanga papu kua totouia mai ia5. (a) Akapeea ta Satani rave anga ki ta Iehova ra akameitakianga ki runga i Tona au tangata? (e) Kia rotai ma Philipi 1:7, akapeea te rave anga a to Iehova iti tangata ki te riri o Satani?
5 Te akamanako anga aroa e te arataki anga ta te Atua i oronga ki tona au tangata i muri ake i te akanoo anga i te Patireia ra kare i ngaro ke atu i to Satani mata. Ei akatauanga i te 1931 kua akakitekiteia teianei pupu Kerititiano meangiti ki te au tangata e e maata atu ratou i te Aronga Apiipii i te Pipiria. Kia tau ki ta Isaia 43:10, e Au Kite o Iehova ratou! Kare ua i akamanakoia, kua tuku maira te Tiaporo i tetai takinga kinoanga kare ra i aiteia i mua ana takapini te ao katoa nei. Noatu i roto i te au enua tei matauia ra te tu rangatira, mei ia Marike, Kanata, e Tiamani, e putuputu te Au Kite i te rave maroanga i te ture kia vai mai to ratou tu rangatira i te akamori anga. Kia tae mai ki te 1988, kua akara akaouia e te Akavaanga Teitei i U.S. e 71 akavaanga tei o atu te Au Kite o Iehova, e rua toru kua ikiia no ratou ra. I teia tuatau, takapini i teianei ao, te rave uaia atura te au maroanga i te ture kia riro, mei te anere mataiti mua ra, kia rauka tetai “akatika anga, e te akamou anga i te evangelia nei.”—Philipi 1:7.
6. Kua akakore ainei te au araianga e te au tureanga i te au tangata o Iehova ra mei te tereanga ki mua? E akatutu mai.
6 I te tuatau o te 1930 ra, i te tuatau te taki atura ki te Tamaki II o te Ao, kua tuku te au kavamani tuku tika i te au araianga me kare tureanga ki runga i te angaanga a te Au Kite o Iehova i Tiamani, i Paniora, e Tiapani, kia taiku i nga mea e toru. Inara i te mataiti 2000, i teia nga enua ua e toru e vaitata i te 500,000 aronga akakitekite aere i te Patireia o te Atua ra. E vaitata ia i te tai ngauru taime te numero o te Au Kite i te ao katoa nei i te 1936 ra! Te taka meitaki ra, kare e rauka i te au arai anga e te au tureanga oki kia tapu i te tereanga o te au tangata o Iehova kia mua i raro ake i to ratou Arataki autu ra, ia Iesu Karaiti.
7. Eaa te tupu anga meitaki tei akatupuia i te 1958, e eaa te tauianga maata tei tupu mei reira mairai?
7 Mei teaa ra tetai akakite anga i teianei tereanga ki mua i te 1958, i te Oire i New York kua kitea te uruoaanga maata katoa tei akaputu atura te Au Kite o Iehova i te Akaputuputuanga Pa Enua Anoano Tu-Atua, te numero take tei aere atu ki reira e 253,922. I te 1970 kua akatueraia ta ratou angaanga i nga enua e toru i taikuia i runga akenei, kare ra ko te enua matauia i reira ko Tiamani Itinga. Inara ko te Au Kite o te Soviet Union maata ra e etai atu pa enua kapitiia ki roto i te Warsaw Pact te vaira i reira i raro ake i te arai anga. I teia tuatau, i roto i te au pa enua e Komuniti i mua ana, e tere roa atu i te apa mirioni Au Kite te angaanga ra.
8. Eaa te tupu anga no ta Iehova akameitakianga i tona au tangata, e eaa ta The Watchtower i tuatua no te reira i te 1950?
8 Kua akameitakiia te Au Kite o Iehova ma te tupu anga maata no te mea kua rave ua atu ratou i te ‘na mua te kimi i te basileia o te Atua, e te tuatua-tika nana ra,’ (Mataio 6:33) Na roto i tetai tu tikai, kua kitea te tupu anga o te totou a Isaia ra: “E riro te mea ngiti okotai ei tausani; e ko tei mea ngiti poepoe ra, e riro ïa ei enua maroiroi: naku na Iehova, e akarapurapu i te reira i tona tuatau.” (Isaia 60:22) E kare i tae mai ake te openga. I te ngauru mataiti i topa ua akenei, kua kake te numero o te aronga turu i te tutara anga Patireia tere atu i te 1,750,000 peretana. Kua riro teia aronga ei tuanga no tetai pupu ta tetai 1950 Watchtower i akakite: “Te akapapa ra te Atua i teianei i tetai taiate ao ou. . . . Ka aere atu teianei pupu na roto ia Aramakito, . . . ei aronga mua ki runga i te ngai angaanga i roto i te ‘enua ou ra’. . . , kua akapapaia kia tau ki ta te Atua tutara anga, i te kiteanga i te au ravenga a te akaaerenga ra.” Kua taopenga mai taua atikara: “Ei reira, e aere marie ua atu ki mua, tatou pouroa, ei taiate ao ou!”
9. Akapeea te au mea ta te Au Kite o Iehova i apii i te au mataiti i topa i te riro anga ei mea puapinga?
9 I teianei kua kite teia taiate ao ou e akapeea te akapapu anga puapinga i teia tuatau e penei tae roa atu ki te tuatau i muri ake ia Aramakito i te rave anga angaanga akatikatika anga. Ei akatauanga, kua kite te Au Kite e akapeea te akapapa anga i te au uruoaanga mamaata, te oronga i te raveanga tauturu viviki, e te patu viviki oki i te au are. Kua akariro teianei angaanga i te aronga e manganui kia akara ki runga i te Au Kite o Iehova ma te mareka anga e te akangateitei.
Akatikatikaanga i te Au Manako Tarevake
10, 11. E akatutu mai i akapeea te akatikatika angaia te au manako anga tarevake no runga i te Au Kite o Iehova ra.
10 Inara, te vaira te au tangata akaapa i te Au Kite o Iehova no te kore e aere rotai atu ma te taiate tangata nei. Te maata anga o teianei no te turuanga akatumuia o te Au Kite ra ki runga i te au tumu mei te pamu toto ra, te tu takake anga, te kai avaava, e te au tu akono tau. Inara te akamata maata ra te au tangata i te akatika e te tau ra te akamanako i te au manako o te Au Kite ra. Ei akatauanga, kua terepaoni mai tetai taote i Poland i te opati akaaere o te Au Kite o Iehova e kua tuatua mai e kua uriuri manako ratou ko tona pupu i te are maki no etai ora no te tumu o te pamu anga toto. Kua akakeuia te uriurianga manako e tetai atikara tei mama mai i taua ra ra i roto i te pepa Polish i te ra te Dziennik Zachodni. “Te mii nei au uaorai no te taangaanga maataia te toto i roto i te angaanga rapakau ra,” ta te taote i akakite mai. “Ka tika kia tauiia teianei, e te mataora nei au kua tamataia mai teianei tumu e tetai. Ka inangaro au kia maata atu te akakitekite anga.”
11 I tetai uipaanga tei raveia i te mataiti kua topa akenei, kua uriuri te aronga mana taoonga no te rapakau mei Kanata, Europa, Iseraela,
Marike no runga i te apinga akapapaia ei tauturu i te au taote kia akono i te aronga maki ma te kore te taangaanga i te toto. Kua touia i teia uipaanga, tei raveia ki Switzerland, e tei tuke ki te manako matauia, e maata atu te numero o te aronga maki i mate tei pamuia ra i te toto i te aronga kare i pamuia ana. Te aronga maki e Au Kite te mea matauia e viviki atu te akaruke i te are maki i te aronga akonoia i te toto, ei tupu anga kua akameangiti mai i te moni no te rapakau anga.12. E akakite mai i tetai akatauanga i akapeea te aronga matauia ra i te akapaapaa anga i te turanga tei raveia e te Au Kite o Iehova no runga i te tu neutara no te poritiki.
12 E manganui te au tuatua mareka tei tuatuaia no te turanga neutara tei raveia e te Au Kite o Iehova i mua ake e i te tuatau o te Tamaki II o te Ao ia ratou e akakoromaki ra i raro ake i te takinga kinoanga a te Nazi. Te vitio Jehovah’s Witnesses Stand Firm Against Nazi Assault, tei maaniia e te Au Kite o Iehova e ma te tau ra kua akaariia i te puakapa takinga kino anga i Ravensbrück i Tiamani ia Noema 6, 1996, e kua akatupu mai i te au tuatua mareka anga e manganui. I te akatueraanga o tetai akakite anga aiteite i te puakapa takinga kinoanga i Bergen-Belsen ia Aperira 18, 1998, kua akatika te akaaere o te Center no te Political Education i Lower Saxony, ko Dr. Wolfgang Scheel e: “Ko tetai o te au tuatua mou akama anga koia oki kua kopae ke te Au Kite o Iehova i te National Socialism ma te tauta anga maata atu, i ta te au ekaretia Kerititiano ra. . . . Noatu rai e eaa to matou manako no te au apiianga e te akonoanga maroiroi o te Au Kite o Iehova, kua tau to ratou tu ngaueue kore i te tuatau o te akatereanga a te Nazi ra kia akangateitei ia.”
13, 14. (a) Eaa tetai akara anga akavaanga i te au Kerititiano mua ra no ko mai i tetai tumu kare ra i manakoia atu? (e) E oronga mai i etai au akatauanga no te au tuatua akaperepere tei akakiteia mai no te au tangata o te Atua i teia tuatau nei.
13 Me aere mai te aronga taoonga me kare te au ikianga akavaanga i te akaperepere anga te Au Kite o Iehova no etai itiu maro anga, penei ka akameangiti mai i te tu iriiri tangata e ka akakeu i te Au Kite kia akara meitakiia. E putuputu teia i te akatuera mai i te aerenga no ratou kia tuatua ma te au tangata kare ra i mareka ana kia akarongo mai i mua ana. No reira te turouia ra taua au raveanga ra, e te ariki tika ra te Au Kite o Iehova ia ratou. Te akamaaraara maira te reira ia tatou i tei tupu ana i te anere mataiti mua ra i Ierusalema. I te anoano anga te Sunederi, koia te akavaanga teitei ngati Iuda ra, kia takore atu i te au Kerititiano no to ratou tu totomapu i te tutuanga, kua tu akera Gamaliela, “e apii ture, e tangata akameitakiia e te tangata ravarai,” kua akamatakite maira i te na ko anga: “E te au tangata no Iseraela nei, e matakite ia kotou i ta kotou rave anga atu i tenana aronga tangata. . . . E akataka ke atu kotou i tenana au tangata, e vaio ua atu: na te tangata teianei angaanga e teianei tuatua, ka ngaro ua ïa: Na te Atua ra, kare rava e kore ia kotou; ko te riro aea oki kotou ei aronga tamaki atu i te Atua.”—Angaanga 5:33-39.
14 Mei ia Gamaliela rai, kua tuatua te aronga matauia ra i mua ua akenei i te akaperepere anga i te tu rangatira no te Au Kite o Iehova. Ei akatauanga, kua taumaro te tiamana i mua ana o te International Academy for Freedom of Religion and Belief e: “Kare e tau te au tika o tetai akonoanga kia akakoreia no te kore ua tana au irinaki anga e manakoia e te taiate ei mea arikiia me kare no te kore e tau ki te au peu matauia.” Kua ui tetai poropeta no te apii taineti no runga i te akonoanga i te apii teitei o Leipzig i tetai uianga tau no runga i tetai pupu kavamani Tiamani tei akanooia kia kimikimi i te au pupu akonoanga rikiriki ra, i te uianga: “Eaa ra i riro ei ko te au akonoanga rikiriki anake rai tei aere mai ki raro i te kimikimi anga mari ra kare nga ekaretia mamaata e rua [te Ekaretia Katorika o Roma e te Ekaretia Lutheran]?” No tetai pauanga kare tatou e akara mamao atu i te au tuatua a tetai opita Tiamani, tei tata ra: “Kare e ekoko anga ei mea muna kua akaue te aronga totomapu no roto mai i te au ra i te akaaere anga poritiki ta te pupu kavamani i rave ra.”
Koai ta Tatou ka Akara atu no te Akaora Anga?
15, 16. (a) Eaa ra i kotingaiai te tupuanga o ta Gamaliela ra rave anga? (e) I akapeea te kotinga angaia etai atu aronga mana e toru ra i ta ratou ka rauka kia rave no Iesu ra?
15 Ta Gamaliela i tuatua maira te akateitei ua ra i te tika e ko tetai angaanga ma te turuanga tu-Atua kare rava e puapinga kore. Kare e ekoko anga kua puapingaia te au Kerititiano mua ra mei tana au tuatua ki te Sunederi ra, inara kare i ngaropoina ia ratou e ko ta Iesu au tuatua no te takinga kinoanga i tana au pipi e tika katoa oki. Kua tapu ta Gamaliela i rave ra i te parani a te au arataki akonoanga ra kia tamate atu ia ratou, inara kare te reira i takore takiri atu i te takinga kinoanga, no te mea ka tatau tatou: “Kua akatika maira ratou iaia: e akaokiia maira e ratou te au aposetolo ra ki roto, pāpā atura, e oti akera, kua akaue atura ia ratou, auraka rava e tuatua ma te ingoa o Iesu, e kua tuku atura ia ratou.”—Angaanga 5:40.
16 Ia Iesu i timataia ra, i te kore anga i kitea e Ponotio Pilato, tetai tarevake iaia ra, kua tauta kia tuku ia Iesu. Inara kare aia i autu. (Ioane 18:38, 39; 19:4, 6, 12-16) Noatu ko nga mema e rua o te Sunederi ra, ko Nikodemo raua ko Iosepha no Arimatea ra, tei akaperepere ra ia Iesu, kua kotingaia ta raua i rauka kia rave i te arai anga i te akavaanga mei te rave anga i te tamate ia Iesu. (Luka 23:50-52; Ioane 7:45-52; 19:38-40) Te meitaki te rauka ra i te au tangata i ta ratou tu anga ki runga kia paruru i te au tangata o Iehova—no tetai ua atu tumu—te kotingaia ra te meitaki. Ka rave ua atu ra to teianei ao i te makitakita i te au pipi mou a Karaiti, mei ia ratou i makitakita ra iaia. Ka rauka anake mai te ora takiri mei ko mai ia Iehova ra.—Angaanga 2:24.
17. Eaa te manakoanga tikai ta te Au Kite o Iehova ra i rave, inara eaa ratou i kore ei e akaparuparu mai i ta ratou akatika anga kia tutu aere ua atu i te tuatua meitaki ra?
17 E tika tikai, te manako atura te Au Kite o Iehova i te takinga kinoanga kia tupu ua atu. Ka akamutu anake te patoi anga me topa atu te akatereanga a Satani ki roto i tona tu puapinga kore openga. Inara, ko teianei takinga kinoanga, noatu rai e mea mareka kore, kare e akariro i te Au Kite kia akamutu mai i te akatupuanga i ta ratou angaanga tutu aere i te Patireia. Eaa oki ka kore ei, i te mea tei ia ratou te turuanga tu-Atua ra? Te akara atura ratou ki to ratou Arataki mataku kore, kia Iesu Karaiti, ei akatauanga tika.—Angaanga 5:17-21, 27-32.
18. Eaa te tu ngata te vai maira ki mua no te au tangata o Iehova, inara eaa te tupu anga ta ratou e irinaki atura?
18 Mei tona akamataanga mairai, kua aro atura te akonoanga mou i te patoianga ketaketa. E tuatau poto ake, ka riro te reira ei mea tamakiia mai e Goga, koia Satani i tona turanga taekeia mei tona uriia mai anga mei te rangi ra. Inara ka ora te akonoanga mou. (Ezekiela 38:14-16) “Te ui ariki o te ao katoa nei,” i raro ake i te arataki anga a Satani, “e tamaki mai ratou ki te Punua-mamoe ra, e e pou ratou i te Punua-mamoe: ko te Atu oki aia o te au atu ra, e te Ariki o te au ariki ra.” (Apokalupo 16:14; 17:14) Ae, te tere atura to tatou Ariki ki mua ki te autu anga openga e kare e roaia “kia upokotu atu rai.” Mei teaa ra tetai tupuanga meitaki kia tere atu ma ia katoa ra, i te kiteanga e kare e roaia kare tetai e patoi akaou mai i te aronga akamori ia Iehova me tuatua ratou: “No tatou te Atua ra”!—Roma 8:31; Philipi 1:27, 28.
Ka Rauka Ainei ia Koe te Akataka?
• Eaa ta Iehova i rave kia akamaroiroi i te putuputuanga Kerititiano mei te akanoo anga mairai i te Patireia?
• Eaa ta Satani i rave kia tauta i te tapu ia Karaiti i tona upokotu atu anga rai, e eaa te au tupuanga?
• Eaa ta tatou manako anga tau no te angaanga akaperepere a te aronga kare ra i te Au Kite?
• Eaa ta Satani ka rave kare e roaia, e eaa te tupu anga?
[Au Uianga Apii]
[Tutu i te kapi 18]
E akakite anga te au uruoaanga ra no te aere anga ki mua te au tangata o Iehova
[Au Tutu i te kapi 20]
Te tu neutara o te Au Kite i te Tamaki II o te Ao te apai maira i te akapaapaa kia Iehova