“Te Au Putaputa o Tetai Oa”

KUA kite atu te apotetoro ko Paulo i te anoano kia oronga i etai akatikatika anga ki te au Kerititiano o te anere mataiti mua i Galatia. Penei kia arai i tetai riri anga, kua ui aia: “E teianei, kua riro ainei au ei enemi no kotou, ko au e akakite atu kia kotou i te tuatua-mou nei?”​—Galatia 4:16.

Te ‘akakiteanga i te tuatua-mou,’ kare a Paulo i riro mai ei enemi no ratou. Ko te tika, te rave rotai ra aia i te kaveinga o te Pipiria: “E tiratiratu te au putaputa o tetai oa.” (Maseli 27:6, King James Version) Kua kite aia e ka koputaia te tu ngakau parau o tetai tei apa ra. Inara, kua kite aia e ko tei tu i rotopu i tetai tangata ara e te ako anga te anoanoia ra e ia ka riro ei akakoreanga i taua tangata ra i tetai akakite anga i to te Atua ra ko Iehova aroa. (Ebera 12:​5-7) No reira, ei oa tiratiratu ma te au manako ngakau roa ra o te putuputuanga, kare a Paulo i unui ki muri no te orongaanga i te ako anga tika.

I teia tuatau nei, te akatupu ra te au Kite o Iehova i ta ratou akauenga “e akariro i to te pa enua katoa ei pipi; . . . Ma te apii atu ia ratou, kia akono i te au mea katoa [ta Iesu Karaiti] i akaue atu.” Na te rave anga i te reira, kare teia au Kerititiano tika tikai e tuku ua i te au tuatua mou o te Pipiria i te akatuera anga e te akakino anga i te apii anga tarevake e te tu kare i te Kerititiano ra. (Mataio 15:9; 23:9; 28:​19, 20; 1 Korinetia 6:​9, 10) E kore ei e riro ei au enemi ka kopaeia ra, te akaari ra ratou i te manako o te au oa tika tikai.

Ma te kite oonu akauru tu-Atua ra, kua tata te tata taramo: “Ka pāpā mai te tangata tuatua-tika ra iaku, e mea takinga-meitaki ra ïa; ka akamura mai oki aia iaku ra, ka riro ïa mei te manongi meitaki ra, kare toku mimiti e paruparu i te reira.”​—Salamo 141:5.