Uipaanga Mataiti Okotopa 6, 2001
Uipaanga Mataiti Okotopa 6, 2001
TE UIPAANGA MATAITI a te au mema o te Taiate Punanga Tiaki Pipiria e te Pepa o Pennsylvania ka raveia ia Okotopa 6, 2001, ki te Are Akaputuputuanga o te Au Kite o Iehova, 2932 Kennedy Boulevard, Jersey City, New Jersey. Ka raveia tetai uipaanga akamata anga no te au mema ua i te 9:15 a.m., aru mai i reira te uipaanga mataiti tikai i te ora 10:00 a.m.
Kia akakite te au mema o te Pupu Taokotaianga ki te Opati o te Tekeretere i teia nei i tetai ua atu taui anga i to ratou ngai nooanga no te mere i te mataiti i topa ake nei kia tae te au reta akakiteanga putuputu e te au pepa o te aronga tei tikaia ei komono kia ratou i roto ia Tiurai.
Kia akaokiia mai te au pepa o te aronga tei tikaia ei komono e te au akakitekiteanga o te uipaanga mataiti tei tukuia ki te au mema, ki te Opati o te Tekeretere o te Taiate eiaa i muri ake ia Aukute 1. Kia akaoti pouroa te au mema tataki tai e te akaoki viviki mai i tana au pepa o te aronga tei tikaia ei komono, te akakite anga e me ka tae mai tikai aia ki te uipaanga e me kare. Kia papu te akakiteanga tuatua te ka orongaia mai no teia mea i runga i te au pepa tataki tai o te aronga tei tikaia ei komono, i te mea e ka irinakiia te tamanako anga e koai tikai te ka tae mai.
Kua tamanakoia e ka akaoti te raveanga katoa, kapiti mai te uipaanga angaanga tau e te au ripoti, i te 1:00 p.m. me kore i muri poto ua ake i te reira. Kare e raveanga i te avatea. No te rava kore o te ngai, ka ta tiketi uaia te aronga ka tae mai. Kare e au akanooanga e raveia no te tuku i te uipaanga mataiti na roto i te au raini terepaoni ki tetai atu au otitoriomi.