“I na Kua Kite Au i Teianei e Eaa Toku Tarevake!”

KO TE reira ta tetai tangata i Tokyo i manako i tona tatau anga i te tua oraanga i roto i te itiu o Titema 1, 2000, o Te Punanga Tiaki. Te tumu tuatua o te atikara “Kotou Oki ko Tei Kore i Kite i te ka Tupu Apopo,” e te akakite ra i te tua o tetai mitinari i mua ana tei mamae i te maki tei kitea ia i te rapakau e ko te manic-depressive psychosis.

Kua akakite mai te tangata mei Tokyo i roto i te reta tei tataia ki te aronga nenei o teia makatini e: “Te au akairo tei akatakaia mai te tano tikai ra kiaku. No reira kua aere atu au ki tetai are maki psychiatric e kua kitea ia mai e e manic depression toku. Te taote tei akarakara iaku kua poitirere rai. Kua karanga mai aia, ‘Te au tangata e maki mei teia rai kare e manako roa ana e e maki to ratou.’ Kua tauturu ia au kia akataka i te maki i mua ake ka kino roa atu ei.”

E mirioni ua atu te au tangata takapini i te ao kua puapinga ia i roto i te au mataara tukeke i te tatauanga i te itiu tataki tai o Te Punanga Tiaki e tona oa, te makatini Awake! Kua kite ratou i te au atikara e puapinga tikai e te merengoanga. Kua neneiia i teianei te Punanga Tiaki e 141 reo, e te Awake! kua neneiia e 86 reo. Ka rekareka rai koe i te tatau putuputu anga i Te Punanga Tiaki e te Awake!